قازاقستاندا اۋىلداردىڭ باس جوسپارى جاسالادى
بۇل تۋرالى بۇگىن استانادا «قازاقستاننىڭ وڭىرلەرىن دامىتۋعا ارنالعان مۇمكىندىكتەر، جاعدايلار جانە ۇسىنىستار» اتتى حالىقارالىق كونفەرەنتسيادا ق ر وڭىرلىك دامۋ ءمينيسترى بولات جامىشيەۆ ءمالىم ەتتى.
ونىڭ اتاپ كورسەتكەنىندەي، باس جوسپار جاساۋ ماسەلەسى تۇبەگەيلى تەك اۋىلدىق ەلدى مەكەندەرگە قاتىستى بولماق. بارلىق وبلىس ورتالىقتارىندا باس جوسپاردى وزگەرتۋ بويىنشا جوسپار جوق. سەبەبى قالالاردىڭ باس جوسپارى ول ەسكىرگەن جاعدايدا نەمەسە شاھار كەڭەيگەن تۇستا زاڭ اياسىندا جاڭارتىلىپ وتىرادى.
«ەلدى مەكەندەر باس جوسپارمەن قامتاماسىز ەتىلۋى ءتيىس. سوندىقتان قازىرگى ۋاقىتتا ەلدى مەكەندەرگە، سونىڭ ىشىندە اۋىلدىق وكرۋگتەرگە باس جوسپار جاساۋ ماسەلەسى شەشىلۋدە. اۋىلدىق پۋنكتتەردىڭ بارلىعى بىردەي بۇل جوسپارعا يە ەمەس ەكەنىن كورىپ وتىرمىز. ال قالالارعا كەلەتىن بولساق، ونىڭ باس جوسپارىن تەك ەسكىرگەن جاعدايدا قاراستىراتىن بولامىز»، - دەدى ول.
اۆتور: جاسۇلان جولدىبايەۆ
