ا ق ش-تا تەرگەلىپ جاتقان قازاق جاستارىنىڭ ءىسى جەكە قارالاتىن بولدى
بۇگىن سوت سول الدىن الا تىڭدالىمدار وتەتىن ۋاقىتتى دا بەلگىلەدى، دەپ حابارلايدى ك ت ك ارناسى.
العاش بولىپ سوت الدىنا ازامات ءتاجاياقوۆ كەلمەك. مامىردىڭ 30 نا بەلگىلەنگەن پروتسەسكە ازاماتتىڭ ادۆوكاتتارى ساقاداي ساي ەكەندەرىن جەتكىزدى.
ال ەكىنشى وتانداسىمىز دياس قادىربايەۆقا قاتىستى قوزعالعان قىلمىستىق ءىس قىركۇيەكتىڭ 8 ءى كۇنى قارالماق. ايتا كەتەيىك، ادۆوكاتتار ءىستى باسقا شتاتتا قاراۋدى سۇراعان. دەگەنمەن بۇل ءوتىنىشتى سۋديا قابىل المادى.
بوستونداعى جارىلىستى ۇيىمداستىرعان جوھار تسارنايەۆپەن سىبايلاسىپ، ايعاق زاتتاردىڭ كوزىن قۇرتتى دەپ ايىپتالعان وتانداستارىمىز كىنالى دەپ تانىلسا 25 جىلعا اباقتىعا توعىتىلۋى مۇمكىن. فەدەرالدىق تەرگەۋ بيۋروسى رەسمي ايىپتارىن ايعاقتاپ وسىنداي كەسىمگە كەلىپ وتىر.
سونداي- اق تەرگەۋشىلەر اباقتىعا ايداعانىمەن قويماي ءتاجاياقوۆ پەن قادىربايەۆتىڭ قارا باستارىنا ۇلكەن ايىپپۇل دا سالماقشى.
