ەرلان ىدىرىسوۆ اراب مەملەكەتتەر ليگاسىنىڭ فورۋمىنا قاتىستى
ساۋد ارابياسىنىڭ استاناسىنا قازاقستاندىق دەلەگاتتاردى سىرتقى ىستەر ءمينيسترى باستاپ باردى.
فورۋمدا سويلەگەن سوزىندە ەرلان ىدىرىسوۆ پالەستيندىك- يزرايلدىك قاقتىعىس، سيرياداعى جاعداي سياقتى وزەكتى حالىقارالىق ماسەلەلەرگە قاتىستى ەلىمىزدىڭ ۇستانىمىن ءبىلدىردى. ءىس- شارا قورىتىندىسى بويىنشا تاراپتار ءوزارا ىنتىماقتاستىقتى دامىتۋعا قاتىستى ارنايى مەموراندۋم بەكىتىپ، ەر- رياد دەكلاراتسياسىن قابىلدادى.
قۇجاتتا فورۋمعا مۇشە ەلدەردى استانادا وتەتىن ەكسپو-2017 كورمەسىنە شاقىرۋ، جاھاندىق يادرولىق قارۋسىزدانۋداعى قازاقستاننىڭ ۇلەسى، سونداي- اق ەل پرەزيدەنتى نۇرسۇلتان نازاربايەۆتىڭ الەمدىك جانە ءداستۇرلى دىندەر سەزىنىڭ جينالىسى تۋرالى باستاماسى كورىنىس تاپتى.
ەرلان ىدىرىسوۆ، ق ر سىرتقى ىستەر ءمينيسترى:
- ءبىز ارىپتەستەرىمىزگە قازاقستانداعى ينۆەستيتسيالىق احۋال جايلى كەڭىنەن ايتىپ بەردىك. فورۋم قاتىسۋشىلارى ۇلكەن قىزىعۋشىلىق تانىتتى. سوندىقتان جيىننىڭ ەڭ نەگىزگى جەتىستىگى دەپ، قازاقستاننىڭ اراب جانە ورتالىق ازيا ەلدەرىمەن ەكونوميكالىق ءھام ساۋدا بايلانىسىن ارتتىرۋدىڭ جاڭا باعىتتارىن ايقىنداعانىمىزدى ايتار ەدىم.
