اتى اڭىزعا اينالعان يمپەراتور چين شيحۋاثنىڭ تەرراكوت اسكەرى - الەمنىڭ سەگىزىنشى كەرەمەتى - فوتورەپورتاج
22 عاسئر بۇرىن قۇرىلعان تەرراكوت اسكەرى الەمدىك يۋنەسكو مادەني مۇراسىنىڭ تىزىمىنە ەنگىزىلدى. ول شىنىمەن دە الەمنىڭ سەگىزىنشى كەرەمەتى بولىپ تانىلدى.
قازاقپارات ءتىلشىسى ايگىلى تەرراكوت اسكەرىنىڭ مۇراجايىندا بولىپ قايتتى. سىزدەردىڭ نازارلارىڭىزعا فوتورەپورتاج ۇسىنامىز.
1. مۇراجاي كەشەنى لينتۋن اۋدانىنىڭ چينلينچجەن قىستاعىندا ورنالاسقان. شياننان 35 شاقىرىم جەر. تاسجول تەگىس، قالاداعى كەپتەلىستى ەسەپتەگەندە، جەڭىل كولىكپەن جارتى ساعاتتىق جەر. ساياحات شامامەن 250 يۋان (40 ا ق ش دوللارىن ) قۇرايدى. جۇمسالعان اقشاعا ەش وكىنبەيسىز، سەبەبى تاماشا اسەر الاسىز.
2. ەڭ باستىسى - قاۋىپسىزدىك، قورشاۋ ارقىلى كىرەسىز. مۇراجاي كەشەنى 15 گ ا، كەلۋشىلەر قىزمەتىنە - اۆتوموبيلدەر جۇمىس ىستەيدى.
3. تاريح مۇراجاي ورنىندا جازىق دالا بولعانىن كورسەتەدى. تەرراكوت اسكەرى كومىلگەنى كەزدەيسوق تابىلعان. 1974 - جىلى ليشان تاۋىنىڭ ماڭىندا شياندىق شارۋالار قۇدىق قازىپ جاتىپ، سۋ ورنىنا كوپتەگەن باس سۇيەكتەرىن تاپقان. وسىدان كەيىن ارحەولوگتار قازبا جۇمىسىن جۇرگىزىپ، ونداعان ەجەلگى اسكەرلەردىڭ قۇم بالشىق مۇسىنشەسىن تاپتى.
بۇگىندە كەلۋشىلەرگە جالپى الاڭى 20 شارشى مەتر ءۇش جەرلەۋ ورنى كورسەتىلەدى. بۇل جەردە 8000 تەرراكوت اسكەرىنىڭ ءمۇسىنى جانە اتتار مەن 100 اسكەري كۇيمە بار.
ساياحاتتى ەڭ ۇلكەن پاۆيلوننان باستايمىز . ونىڭ الاڭى - 14 مىث شارشى مەتردةن استام. شۇڭقىردا 6000 اسكەر مۇسىنشەلەرى مەن اتتار، 40 كۇيمە بار .
4. چين شيحۋاث يمپەراتورىنىڭ بابالارى وزدەرىمەن بىرگە ءتىرى اسكەردى و دۇنيەگە الىپ كەتكەن. بۇل بيلەۋشى ولگەننەن كەيىن ءولىمىن كۇزەتەتىن تەرراكوت اسكەر قۇرۋىمەن ەرەكشەلەندى. مۇسىنشەلەردى سومداۋعا مىڭعا جۋىق ادام جۇمىلدىرىلعان. ەرەكشە ساپالى قۇم پايدالانعان. ول كۇيدىرگەننەن كەيىن تاستاي قاتتى بولىپ قالعان. جۇمىس ون جىلداي ۋاقىتقا سوزىلعان.
عالىمدار ءار اسكەردىڭ بەينەسى ءتىرى ادامنىڭ تۇرىمەن بەينەلەنگەن دەپ سانايدى. شىندىعىندا مىڭداعان مۇسىنشە ءبىر- بىرىنە مۇلدەم ۇقسامايدى. ءتۇرى، ەموتسياسى، شاشى، كيىمدەرى ءارقايسىسىندا ەرەكشە. ەجەلگى مۇسىنشىلەردىڭ شەبەرلىگىنە ءتانتى بولاسىڭ.
اسكەردەن باسقا مولادا شەنەۋنىكتەر، اكروباتتار، بالۋاندار مەن مۋزىكانتتار بار.
سونىمەن قاتار، تەرراكوت اسكەرىمەن بىرگە يمپەراتور 70 مىڭ جۇمىسشىلاردى وتباسىمەن قوسا، ءۇش مىڭداي كۇڭدى الىپ كەتكەن.
5. تەرراكوت اسكەرىنىڭ قازبا جۇمىستارى مەن جاڭعىرتۋ بۇگىنگى كۇنگە دەيىن جالعاسۋدا. تابىلعان سىنىقتاردى قالپىنا كەلتىرۋدە. ءالى دە ەكى ءجۇزجىلدىققا جەتەتىن جۇمىس بار سياقتى. اتى اڭىزعا اينالعان يمپەراتوردىڭ مولاسىندا قانشا كەرەمەت قۇپيا بۇگىپ جاتقانى ازىرگە بەلگىسىز.
6. اسكەرلەر بويالعان، ءبىراق ۋاقىت وتە كەلە سىرى تايا باستاعان. ولاردىڭ قانداي بولعانى ەكراننان كورسەتىلەدى. ال ستەندتەن ەجەلگى قولا قارۋدى تاماشالاۋعا بولادى.
7. ەجەلگى شەبەرلەر ەرەكشە زەرگەرلىكپەن جۇمىس ىستەگەنىن بايقاۋعا بولادى.
8. ال مىناۋ قولا كۇيمە .
9. زالداردىڭ بىرىندە تەرراكوت اسكەرىنىڭ ساپقا تۇرعانى كورسەتىلگەن، ەجەلگى اسكەرمەن سۋرەتكە ءتۇسۋ 10 يۋان (2 دوللار) تۇرادى.
10. چين شيحۋاث ت ەرراكوت اسكەرىنىڭ مۇراجايى 1997 - جىلعى قازاندا اشىلدى.
11. ەستةلئك سۋۆەنير الۋ دا ەش قيىندىققا سوقپايدى. مۇراجايدىڭ وزىندە ساتىلىم سورەلەرى بار. جەرگىلىكتى شەبەرلەر دە جولىڭدى وراپ ءجۇر. ساۋدالاسۋعا دا بولادى.
12. شىعابەرىستە كيىنىپ العان ارتىستەرمەن 20 يۋانعا فوتوعا تۇسۋىڭە بولادى.
13. بىرەگەي، تابيعاتى كوز سۇيسىندىرەتىن تاماشا جەرگە تاعى ءبىر مارتە بارعىڭ- اق كەلەدى. جەرگىلىكتى تۇرعىندار ءبىر رەت كەلگەن ەشتەڭە ەمەس، ءار كەلگەن سايىن جاڭا قىرلارى اشىلاتىنىن ايتادى.
