ق ر قورعانىس ءمينيسترى: ەل وڭتۇستىگىنىڭ اسكەري قاۋىپسىزدىگىن قامتاماسىز ەتۋ - ماڭىزدى مىندەتتەردىڭ ءبىرى

 دەپ حابارلادى قورعانىس مينيسترلىگىنىڭ باسپا ءسوز قىزمەتىنەن.

ساپار بارىسىندا قورعانىس ءمينيسترى تۇرار رىسقۇلوۆ اۋدانىنىڭ لۋگوۆوي ستانساسىنداعى جەكەلەگەن موتواتقىش جانە تانك باتالوندارىمەن كەزدەستى.

جۋالى اۋدانىندا س. احمەتوۆ قازاقستانداعى جالعىز جەكە تاۋ- ەگەر پولكىنە باردى.

تارازدا مينيستر «وڭتۇستىك» وڭىرلىك اسكەري قولباسشىلىعىنىڭ باسقارماسىن ارالادى. جەكەلەگەن تاۋ- كەن- اتقىش بريگاداسىندا، گورنيزوندىق اسكەري گوسپيتالدا بولدى. جامبىل وبلىسى بويىنشا قورعانىس ىستەرى دەپارتامەنتىنىڭ قۇراما پۋنكتىنە كەلگەن ۋاقىتتا جاستاردى ساپالى ىرىكتەۋ مىندەتىن العا قويىپ، اسكەرگە شاقىرتۋ ناۋقانى بارىسىمەن تانىستى.

 تاراز گورنيزونىنىڭ كومانديرلەرىمەن وتكەن ماجىلىستە س. احمەتوۆ «ەل وڭتۇستىگىنىڭ اسكەري قاۋىپسىزدىگىن قامتاماسىز ەتۋ - مەملەكەت باسشىسىنىڭ باستى نازارىنداعى ماڭىزدى مىندەتتەردىڭ ءبىرى» ەكەنىن اتاپ ءوتتى، سونداي- اق سارباز دايىنداۋ جانە اسكەري قىزمەتشىلەردىڭ داعدىسىن ارتتىرۋ ماسەلەلەرىنە باسا نازار اۋدارىپ ءوتتى.

قارۋلى كۇشتەردىڭ جوعارعى باس قولباسشىسى العا قويعان مىندەتتەردى ويداعىداي ورىنداۋ ءۇشىن، س. احمەتوۆ اتاپ وتكەندەي، بارلىق قاجەتتى جاعدايلار جاسالعان. جىل سايىن قارۋلى كۇشتەردى دامىتۋعا، اسكەرلەردى جاراقتاۋعا، اسكەري ينفراقۇرىلىمدى جەتىلدىرۋگە، اسكەري قىزمەتشىلەردى الەۋمەتتىك قامتاماسىز ەتۋ جۇيەسىن نىعايتۋعا شىعىندار ۇلعايۋدا.

س. احمەتوۆ اسكەرلەردىڭ جاۋىنگەرلىك جانە جۇمىلدىرۋ ازىرلىگىن جوعارى دەڭگەيدە قولداۋ، كاسىبي جانە جاۋىنگەرلىك دايىندىق ساپاسىن ارتتىرۋ، اسكەري ءتارتىپ پەن قۇقىقتىق ءتارتىپتى قامتاماسىز ەتۋ قاجەتتىلىگىن اتاپ ءوتتى. «وڭتۇستىك» وڭىرلىك قولباسشىلىعىنىڭ باسشىلىعىنا جەكەلەگەن بولىمدەر مەن بولىمشەلەرگە، اسكەري قىزمەتشىلەردىڭ قىزمەتى مەن تۇرمىسىنا باسا نازار اۋدارۋدى تاپسىردى.

«جاۋىنگەرلىك دايىندىق پەن جاۋىنگەرلىك قابىلەتتىڭ ارتۋى وسى جۇمىستاردىڭ ناتيجەسىنەن كورىنەتىن بولادى» ، - دەپ اتاپ ءوتتى مينيستر.






فوتو  baq.kz الئندئ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى