قاراعاندىنىڭ حالىقارالىق عارىش ستانساسىنان تۇسىرگەن سۋرەتى سىيعا بەرىلدى - فوتو
«قۇرمەتتى اكىم، ح ع س ەكيپاجىنىڭ جەرگە ورالۋىنداعى ءسىزدىڭ رولىڭىز ەرەكشە.
سىزگە العىسىمىزدى ايتىپ، ح ع س تۇسىرىلگەن قاراعاندىنىڭ سۋرەتىن تارتۋ ەتكىمىز كەلەدى» ، - دەدى رەسەيدەگى NASA كەڭسەسىنىڭ ديرەكتورى شون فۋللەر «سارى ارقا» اۋەجايىنداعى 39-ەكسپەديتسيانىڭ ەكيپاجىن قارسى الۋ كەزىندە.
NASA وكىلدەرى قالا سۋرەتى 400 ك م بيىكتىكتەن تۇسىرىلگەنىن ايتتى.
م. سماعۇلوۆ حابارلاعانداي، بۇل سىيلىق وبلىستىق تاريحي- ولكەتانۋ مۇراجايىنىڭ ەكسپوناتىنا اينالماق. ونىمەن قوسا، قاراعاندى اكىمىنە اۋە كولىگى فەدەرالدى اگەنتتىگىنىڭ مەدالىن ۇسىندى.
قالا باسشىسى ءوز كەزەگىندە، 39- ەكسپەديتسيانىڭ ەكيپاجىن قازاقستان جەرىنە ءساتتى قونۋىمەن قۇتتىقتادى. رەسەيلىك عارىشكەر ميحايل تيۋرين، امەريكالىق استروناۆت ريك ماستراككيو جانە جاپوندىق استروناۆت كويچي ۆاكاتا ءداستۇرلى سىيلىقتارعا - قازاق شاپانى، ۇلتتىق اسپاپ دومبىرا، سونداي- اق ەكيپاجدىڭ سۋرەتى بار قاراعاندىلىق شوكولادقا يە بولدى. اۋە كولىگى فەدەرالدى اگەنتتىگىنىڭ ءداستۇرى بويىنشا ولارعا وزدەرىنىڭ سۋرەتتەرى بەينەلەنگەن ماترەشكالار ۇسىنىلدى.
ەستەرىڭىزگە سالا كەتەيىك، عارىشكەرلەر وربيتادا 188 تاۋلىك جۇمىس ىستەگەن.
«سويۋزا تما-11م» اپپاراتى بورتىنداعى ينتەرناتسيونالدى ەكيپاجىمەن 14 - مامىردا قازاقستاننىڭ جەزقازعان قالاسىنان وڭتۇستىك- شىعىسقا قاراي 147 شاقىرىم قاشىقتىققا ساعات 05:58 كەزىندە كەلىپ قونعان بولاتىن.
