تۇركياداعى قايعىلى وقيعادان كەيىن ەلىمىزدەگى شاحتالار تەكسەرىلىپ جاتىر
كەشە قاراعاندىدا «ارسەلورميتتال تەمىرتاۋ» كومپانياسىنىڭ باسشىلارى قاۋىپسىزدىك ستاندارتتارىن قاداعالاۋ بويىنشا كەزەكتەن تىس جينالىس وتكىزدى.
ەلىمىزدەگى كومىر وندىرەتىن ەڭ ءىرى كومپانيا تۇركياداعى جارىلىستان كەيىن بىردەن كوشپەلى جينالىس وتكىزدى. ماماندارعا جەر استىندا ءجۇرۋ قاۋىپسىزدىگى بويىنشا دارىستەر وقىلىپ، شاحتالارداعى جارىلىس قاۋپى بار دەگەن جەرلەر تەكسەرىلدى.
كومپانيا قاۋىپسىزدىك ستاندارتىن تەكسەرۋ باعىتىنداعى مۇنداي جۇمىستاردى قازىر اپتاسىنا كەم دەگەندە ءبىر رەت ۇيىمداستىرۋدا. قاراعاندى وبلىسىندا سوڭعى جارىلىس 2008-جىلى اباي شاحتاسىندا تىركەلگەن بولاتىن. سودان بەرى ماماندار قاۋىپسىزدىك جۇيەسىن قاتاڭ باقىلاۋعا العان.
«تۇركياداعى تراگەديادان كەيىن ساران شاحتاسىندا شۇعىل تۇردە تەحنيكالىق وقۋ- جاتتىعۋ شارالارىن وتكىزەمىز. وعان كومپانيانىڭ باس ينجەنەرلەرى قاتىسادى. جاتتىعۋ كەزىندە قاۋىپسىزدىك ماسەلەلەرىنە ەرەكشە نازار اۋدارىلادى. اباي شاحتاسىنداعى جارىلىستان كەيىن قاۋىپسىزدىكتىڭ ستراتەگيالىق جوسپارىن قۇردىق. شاحتالارىمىز انگليادا جاسالعان اەروگاز ءتيىمدى باقىلاۋ جۇيەسىمەن جابدىقتالدى»، - دەدى كومىر كومپانياسىنىڭ وكىلى ياكوۆ مايەر.
سونداي- اق كومپانيا وكىلدەرى شاحتالاردى قاۋىپسىزدىك جۇيەسىن جابدىقتاۋعا 900 ميلليون دوللارعا جۋىق قارجى بولگەندەرىن جەتكىزدى. ءارى جۇمىسشىلارىن دا كەز- كەلگەن جاعدايعا ءازىر بولۋعا ۇيرەتۋدە. ماسەلەن، قازىر 20 مىڭعا جۋىق ادام جەر استىنا ءتۇسىرىلىپ، تەحنيكالىق قاۋىپسىزدىك جاتتىعۋلارىنا قاتىسىپ جاتىر، دەپ حابارلايدى جەتىنشى ارنا.
