قازاقتىڭ قارا دومبىراسىنا قىزىققانداردىڭ قاتارى كوپ - فوتو
بۇگىندە تۇركيادا 160 مەملەكەتتەن كەلگەن 000 55 (ەلۋ بەس مىڭ) ستۋدەنت ءبىلىم الىپ جاتىر. شارانىڭ نەگىزگى ماقساتى وزگە مەملەكەتتەردىڭ مادەنيەتىمەن، ۇلتتىق قۇندىلىقتارىمەن جاقىنىراق تانىسىپ، تولىعىراق اقپارات الۋ جانە ستۋدەنتتەردىڭ دوستىعىن نىعايتۋ بولىپ تابىلادى.
اتالعان شاراعا انكارا قالاسىندا ءبىلىم الىپ جاتقان قازاق ستۋدەنتتەرى دە قاتىستى.
ستۋدەنتتەرىمىز شەتەلدىكتەردىڭ قازاقستان حاقىندا قويعان سۇراقتارىنا جاۋاپ بەرىپ، تولىعىراق مالىمەت بەردى.
قازاقتىڭ قارا دومبىراسىنا قىزىققانداردىڭ قاتارى كوپ بولدى. قازاق ستۋدەنتتەرى قوناقتاردىڭ ءوتىنىشى بويىنشا ءان سالىپ، كۇي تارتىپ بەردى.
قارا ءناسىلدى قوناقتار دا قازاقتىڭ ۇلتتىق كيىمىن كيىپ، دومبىراسىن قولعا ۇستاپ كوردى.
جەرگىلىكتى تۇرىك اعايىندارىمىزدىڭ ءبىرى اسىقتارىمىزدى كورىپ، بالالىق شاقتا ويناعاندارىن ايتىپ، اعىنان جارىلدى.
اۋلاعا ارنايى اقشاڭقان كيىز ءۇيىمىز تىگىلدى. بۇل - تۇركى تىلدەس ەلدەردىڭ ورتاق ءۇيى كيىز ءۇي بولعانىن ايگىلەپ تۇرعانداي.
كورمەگە كەلگەن حالىقتا ەسەپ بولمادى. ستۋدەنتتەرگە بىلگىسى كەلگەن سۇراقتارىن قويىپ، ءار مەملەكەتتىڭ ۇلتتىق كيىمىن كيىپ سۋرەتكە ءتۇستى.
ءار مەملەككەتتىڭ ستۋدەنتتەرى ءوز ەلىن جاقسىلاپ تانىستىرۋ جولىندا ايانىپ قالمادى. ءتىپتى، كەيبىر ەلدىڭ جاستارى ورتاعا شىعىپ، ۇلتتىق بيلەرىن دە بيلەپ بەردى.
اراب قىزى ميناس: «كورمەنى ۇيىمداستىرۋشىلارعا العىس ايتامىن، ءوزىم ءۇشىن كوپتەگەن كەرەك اقپاراتتار الدىم»، - دەيدى.
ارنايى Massaget.kz ءۇشىن: تۇركيادان شەرحان تالاپ ۇلى
سۋرەتتەردى تۇسىرگەن: شەرحان تالاپ ۇلى
