قىتاي قازاقستانعا قارجى قۇياتىن شەتەل ينۆەستورلارىنىڭ ۇزدىك ۇشتىگىنە كىرىپ وتىر

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ايتتى.
ونىڭ اتاپ وتۋىنشە، قازاقستان مەن قىتاي اراسىندا ساۋدا- ەكونوميكالىق ىنتىماقتاستىق بارىنشا قارقىندى دامۋ ۇستىندە. «2014 -جىلدىڭ 1 - توقسانىندا تاۋار اينالىمى شامامەن 5 ميلليارد ا ق ش دوللارىن قۇراپ، 11 پايىز ءوسىم كورسەتتى. ق ح ر- عا ەكسپورت 3,5 ميلليارد ال قىتايدان يمپورت 1,4 ميلليارد دوللاردى قۇرادى» ، - دەدى ول.

ونىڭ اتاپ وتۋىنشە، بۇگىندە قىتاي قازاقستانعا قارجى قۇياتىن شەتەل ينۆەستورلارىنىڭ ۇزدىك ۇشتىگىنە كىرىپ وتىر. ماسەلەن، 2005-2013 - جىلدارى ارالىعىندا بۇل ەلدەن كەلگەن تىكەلەي ينۆەستيتسيا كولەمى 11 ميلليارد ا ق ش دوللارىنا جەتىپ جىعىلادى. تەك وتكەن جىلى عانا 2,18 ميلليارد دوللار كولەمىندە قىتاي ينۆەستيتسيا قازاق ەكونوميكاسىنا قۇيىلدى.

«بۇل وڭ سەرپىن مەملەكەت باسشىسى العا قويعان 2016 -جىلى قىتايمەن ساۋدا كولەمىن 40 ميلليارد دوللارعا جەتكىزۋ باعىتىنداعى ماقساتتارعا قول جەتكىزۋگە بولاتىندىعىن كورسەتەدى» ، - دەدى ب. ساعىنتايەۆ.

اۆتور: مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى