اقتاۋدا اتتى پوليتسەيلەر قوعامدىق ءتارتىپتى قامتاماسىز ەتۋدە

وسى ارالىقتا پوليتسەيلەر جانۋارلاردىڭ كومەگىمەن 2 مىڭعا جۋىق قۇقىق بۇزۋشىلىقتىڭ جولىن كەسىپ، ءتۇرلى قىلمىستاردىڭ الدىن العان.
اقتاۋ قالاسىنىڭ تىنىشتىعى ءۇشىن قىزمەت ەتۋگە كۇن سايىن 25 تۇلپار اتتانادى. پوليتسيا سەرجانتى باقىتجان ارىسوۆتىڭ اتقا وتىرعانىنا ءبىر جىل بولدى. قىزمەتكە شىعار الدىندا سايگۇلىگىن تازالاپ، باپتايدى. سەبەبى، جىلقى وتە تازا جانۋار، ەرەكشە كۇتىمدى قاجەت ەتەدى.
ول ءبىر جىلدىڭ كولەمىندە تۇلپارىنىڭ كومەگىمەن تالاي قىلمىستىڭ جولىن كەسىپ، تۇرعىنداردىڭ العىسىن العان.
باقىتجان ارىسوۆ، اتتى پوليتسيا ۆزۆودىنىڭ سەرجانتى:
- قالاداعى 15-شاعىناۋداننىڭ 10-ءۇيىنىڭ الدىندا ايەلدەر دەم الىپ وتىرعان ەدى. ولاردىڭ الدىندا سومكە تۇردى. جاس بالا سومكەنى الىپ قاشقان كەزدە ۇستالدى. ونى ۇستاپ، قىلمىستىق اتقارۋ ماماندارىنا تاپسىردىق.
جىلقىلاردىڭ باسىم كوپشىلىگى جامبىل وبلىسىنان جەتكىزىلگەن. اراسىندا جەرگىلىكتى جىلقىلار دا بار. ەكونوميكالىق جانە ەكولوگيالىق ءتيىمدى كولىك قۇرالىنىڭ پايداسى كوپ. تۇلپارمەن ءجۇرىپ قوعامدىق ءتارتىپتى ساقتاعان ءتيىمدى ءارى قىلمىسكەرلەردى قۋىپ جەتۋ وڭايعا تۇسەدى. ماسەلەن وتكەن جىلى جىلقىلاردىڭ كومەگىمەن 12 قىلمىستىڭ بەتى اشىلعان
قالدىمۇرات ايعاراقوۆ، قالالىق ءى ءى ب جول پاترۋلدىك پوليتسيا باتالونى كومانديرىنىڭ مىندەتىن اتقارۋشى:
- ءۇش ايدىڭ ىشىندە 345 قۇقىق بۇزۋشىلىق انىقتادى. ال ءساۋىر ايىنىڭ ىشىندە 245 قۇقىق بۇزۋشىلىق انىقتالدى.
زيادا وڭداسىنوۆا، قالا تۇرعىنى:
- اتتى پوليتسەيلەر جاقسى دەپ ويلايمىن. قوعام تىنىش بولادى، ىشىمدىككە ماسايعاندار بولمايدى. ءاردايىم تەڭىز جاعالاۋىندا دەمالۋعا مۇمكىندىك تۋادى.
تەڭىز جاعالاۋىندا قۇقىق بۇزۋشىلىق ازايدى. بۇل - اتتى پوليتسەيلەردىڭ ەڭبەگى.

اۆتورلار: باقىتجان ساتىلحان ۇلى، سالامات بەكبايەۆ

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى