ەلباسىنىڭ قىتايعا ساپارى اياسىندا ەكى ەل اراسىنداعى ستراتەگيالىق ارىپتەستىكتى ودان ءارى تەرەڭدەتۋ تۋرالى بىرلەسكەن دەلاراتسياعا دا قول قويىلادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ايتتى.
«اعىمداعى جىلعى 19-21 - مامىر ارالىعىندا مەملەكەت باسشىسىنىڭ ق ح ر- عا مەملەكەتتىك ساپارى جانە شاڭحاي قالاسىندا ازياداعى ءوزارا ءىس- قيمىل جانە سەنىم شارالارى كەڭەسىنىڭ IV سامميتىنە قاتىسۋى جوسپارلانعان. ساپار بارىسىندا ەلباسىنىڭ قحر ءتوراعاسى شي جينپيڭمەن كەلىسسوزدەر جۇرگىزۋى جوسپارلانىپ وتىر جانە مەملەكەت باسشىلارىنىڭ قاتىسۋىمەن ءبىرقاتار ماڭىزدى ەكىجاقتى قۇجاتتارعا قول قويىلادى» ، دەدى ول.
ب. ساعىنتايەۆتىڭ اتاپ وتۋىنشە، اتالعان قۇجاتتار قاتارىندا ەكى ەل اراسىنداعى ساياسي سەنىمدىلىك دارەجەسىن كورسەتەتىن جانە جاڭا حالىقارالىق بولمىسقا سايكەس ىنتىماقتاستىقتى جىلجىتاتىن قۇجاتتار بار.
«قازاقستان مەن ق ح ر اراسىنداعى ستراتەگيالىق ارىپتەستىكتى ودان ءارى تەرەڭدەتۋ تۋرالى بىرلەسكەن دەلاراتسياعا دا قول قويىلادى» ، دەدى ۇكىمەت باسشىسىنىڭ ءبىرىنشى ورىنباسارى.
اۆتور: قانات مامەتقازى ۇلى
