ەڭبەك ءمينيسترى جاڭا زەينەتاقى جۇيەسىمەن تانىستىردى
ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ ايتۋىنشا، جاڭا جۇيەدەگى ءبىرىنشى كومپونەنت - زەينەتكەرلىك جاسقا جەتكەن بارلىق ازاماتتارعا ولاردىڭ ەڭبەك ءوتىلى مەن جالاقىسىنا قاراماستان، بىردەي مولشەردە رەسپۋبليكالىق بيۋدجەت قاراجاتىنان مەملەكەت تولەيتىن بازالىق زەينەتاقى بولماق.
«جاڭا ءتاسىل بازالىق زەينەتاقىنى الۋشىنىڭ زەينەتاقى جۇيەسىنە قاتىسۋ وتىلىنە بايلانىستى ءبىرقاتار تاعايىنداۋلاردى ۇسىنادى. بىرىنشىدەن، ازاماتتاردا جۇيەگە قاتىسۋ ءوتىلى بولماعان جاعدايدا ولارعا ەڭ تومەن كۇنكورىس كولەمىنىڭ 50%- ىنا تەڭ كەلەتىن مولشەردە الەۋمەتتىك زەينەتاقى بەرىلەتىن بولادى.
ەكىنشىدەن، جۇيەگە قاتىسۋ ءوتىلى 20 جىل بولعان جاعدايدا ونىڭ بازالىق زەينەتاقىسىنىڭ مولشەرى ەڭ تومەن كۇنكورىس دەڭگەيىنىڭ 70%- ىن قۇرايتىن بولادى. كەيىن كوەففيتسيەنت جۇيەگە قاتىسقان ءاربىر جىل ءۇشىن ارتتىرىلىپ وتىرادى. ۇشىنشىدەن، قاتىسۋ ءوتىلى 35 جىل بولعان جاعدايدا بازالىق زەينەتاقى ەڭ تومەن كۇنكورىس دەڭگەيىنە تەڭ بولادى» ، - دەپ اتاپ ءوتتى مينيستر.
ونىڭ ايتۋىنشا، مۇنداي ءتاسىل زەينەتاقى جۇيەسىنە قاتىسۋشى ءۇش بۋىننىڭ پروبلەماسىن وڭتايلى شەشۋگە مۇمكىندىك بەرەدى.
«قازىرگى زەينەتكەرلەر - ادامداردىڭ بۇل ساناتىنا بازالىق زەينەتاقى ولار زەينەتكەرلىككە شىعار ساتتە ۇسىنعان ەڭبەك وتىلىنە بايلانىستى ەسەپتەلەتىن بولادى؛
2043 - جىلعا دەيىن زەينەتكەرلىك جاسقا كەلەتىن ىنتىماقتى، سول سياقتى جيناقتاۋشى زەينەتاقى جۇيەسىنە قاتىسۋ ءوتىلى تولىق ەمەس ازاماتتار - ادامداردىڭ بۇل ساناتىنا بازالىق زەينەتاقى 1998 - جىلعى 1 - قاڭتارعا دەيىن جيناقتالعان ەڭبەك ءوتىلى جانە جيناقتاۋشى زەينەتاقى جۇيەسىنە 1998 - جىلدان كەيىنگى قاتىسۋ ءوتىلى ەسكەرىلە وتىرىپ ەسەپتەلەتىن بولادى؛
زەينەتكەرلىككە 2043 -جىلدان كەيىن شىعاتىن ادامدار - بازالىق زەينەتاقى جيناقتارىنا بايلانىستى ەسەپتەلەتىن بولادى» ، - دەيدى ت. دۇيسەنوۆا.
اۆتور: ءابۋ- اسقار مەكەش ۇلى
