ۆاليۋتا باعامىنا ەنگىزىلگەن تۇزەتۋلەر ەل ەكونوميكاسىنا وڭ سەرپىن بەردى - ق ر ۇلتتىق بانك ءتوراعاسى

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق بانكىنىڭ ءتوراعاسى قايرات كەلىمبەتوۆ ءمالىم ەتتى.

«ءبىرىنشى توقساننىڭ قورىتىندىسى بويىنشا اعىمداعى ەسەپشوتتىڭ وڭتايلى سالدوسىنا قول جەتكىزىلدى. ونىڭ كولەمى 5,5 ميلليارد دوللاردى قۇرادى. مىسالى، بىزدە وتكەن جىلى اعىمداعى شوتتىڭ تولەم بالانسىنىڭ تەرىس سالدوسى قالىپتاسقان ەدى. ونىڭ دەڭگەيى مينۋس 118 ميلليون دوللار كولەمىندە بولدى. ياعني، وسى ورايدا جۇرگىزىلگەن ۆاليۋتالىق تۇزەتۋلەرگە ەكونوميكانىڭ وڭتايلى قارقىنى ايقىن بايقالۋدا» ، - دەدى ول.

سونىمەن قاتار ۇلتتىق بانك ءتوراعاسى 2014 - جىلى ينفلياتسيا 6-8 پايىز دالىزىندە بولاتىنىن اتاپ ءوتتى.

«ساۋىردە ينفلياتسيا 0,6 پايىزدى قۇرادى. ءبىرىنشى توقساندا ينفلياتسيا دەڭگەيى 3,3 پايىزدى قۇرادى. ال ءتورت ايدىڭ قورىتىندىسى بويىنشا ونىڭ دەڭگەيى 3,9 پايىزدى قامتىدى» ، - دەدى ول.

ق. كەلىمبەتوۆتىڭ سوزىنە قاراعاندا، اقپانداعى ينفلياتسيا سەرپىلىسىن ەسەپكە الماعاندا، ەلىمىزدە ونىڭ دەڭگەيى قالىپتى دالىزگە ءتۇسىپ وتىر.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى