قازاق بوكسشىسى د.ەلەۋسىنوۆ ا ق ش قابىلانىن جۇلدەسىز ەلىنە قايتاردى

ءبىرىنشى راۋد 8:5 ەسەبىمەن ءبىزدىڭ سپورتشىنىڭ پايداسىنا شەشىلدى. ەكىنشى كەزەڭدە دە د.ەلەۋسىنوۆ ازۋلى قارسىلاسىن ەس جيدىرماي 7:3 ەسەبىمەن العا شىقتى. دانيار شەشۋشى راۋندتا دا امەريكاندىقتى 4:1 ەسەبىمەن ويسىراتا ۇتتى، قورىتىندى ەسەپ - 19:9.

دانيار ەلەۋسىنوۆ 21 جاستاعى استانالىق سپورتشى. حالىقارالىق ساناتتاعى سپورت شەبەرى. ول قازاقستان چەمپيونى (2010-2011 - جىلدارى)، ازيا ويىندارىنىڭ چەمپيونى (2010 - جىلى). دانيار جولدامانى جاقىندا ەلوردادا وتكەن ازيالىق ىرىكتەۋ تۋرنيرىندە قانجىعاسىنا بايلادى.

 ەستە بولسا، ق ر ۇلتتىق قۇراماسىنىڭ باس جاتتىقتىرۋشىسى م.ايتجانوۆ: «64 كەلى سالماقتا شارشى الاڭعا شىعاتىن بۇل بوكسشى بولاشاعىنان ءۇمىت كۇتتىرەتىن سپورتشىلاردىڭ ءبىرى. دانيار وتە ساۋاتتى بوكسشى جانە ول سايىس كەزىندە ءار قادامىن ەسەپتەپ جاسايدى، سونداي-اق بارلىق قاشىقتىقتا جۇمىس ىستەي الادى. امبەباپ-بوكسشى. ءبىز وعان وتە ۇلكەن ءۇمىت ارتىپ وتىرمىز. شارشى الاڭدا ول كەز كەلگەن قارسىلاسپەن جەڭىس جولىنىڭ كىلتىن تابا الادى»، - دەگەن بولاتىن.

اۆتور: مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى