بريتاندىق قىز الاياقتىق جولمەن تويىنا اقشا جيناعان
الاياقتىق جولمەن تويىنا قوماقتى قارجى جيناپ العان ەسسەكس گرافتىعىنىڭ تۇرعىنى جاقىندا قاماۋعا الىندى، دەپ حابارلايدى Lifenews .
دانيەل 2012 - جىلدىڭ ءساۋىر ايىندا 28 جاسار كريس حوۆاردپەن وتاۋ قۇرعان. ولاردىڭ توي شىعىندارى الەۋمەتتىك جەلىلەر ارقىلى جينالعان قارجىمەن وتەلىپتى.
ۇيلەنۋ تويىنان بىرنەشە اي بۇرىن 22 جاسار دانيەل ايىقپاس دەرتكە ۇشىراعانىن جاريالايدى. «وبىر اۋرۋىنا شالدىققان» قىز تۋرالى الدىمەن جەرگىلىكتى گازەتتەردىڭ بىرىندە اقپارات شىعىپ، كەيىن حوۆاردتىڭ جاقىندارى ينتەرنەتتە ءالەۋمەتتىك جەلى ارقىلى قارجى جيناۋ كامپانياسىن باستاپ كەتكەن. ءتىپتى بريتاندىق تانىمال تۇلعالار دا وعان بەي - جاي قاراماي، كومەك قولىن ۇسىنعان. دانيەل حيميالىق تەراپيادان كەيىن شاشىنىڭ ءتۇسىپ قالاتىنىن، سوندىقتان ومىرىندەگى ەڭ ماڭىزدى كۇندى جەدەلدەتىپ تويلاعىسى كەلەتىنىن ايتقان. قىزدىڭ وتىنىشىنە جالپى سانى مىڭ جارىم ادام قۇلاق اسىپ، قارجىلاي كومەك بەرىپتى.
ءبىراق كەيىن ول «حيميالىق تەراپيادان وتكەنىنە قاراماستان» تويدان كەيىن بويىنا بالا بىتكەنىن جاريالايدى. بۇدان كۇدىكتەنگەن مەسەناتتار پوليسياعا شاعىمدانىپتى.
جاقىندا ول اسا ءىرى كولەمدەگى الاياقتىق جاساعان دەپ تانىلىپ، قاماۋعا الىندى. تەرگەۋشىلەر قازىر حوۆاردتىڭ ەسەپشوتىنا قانشا قارجى اۋدارىلعانىن تەكسەرىپ جاتىر. توي سالتاناتىنا الاياقتىق جولمەن اقشا جيناعان دانيەل ەندى مەسەناتتاردىڭ اقشاسىن قايتارىپ، تۇرمەگە وتىرۋى مۇمكىن.
