ۇرىلار ۇستالىپ جاتىر - ۇرلىق ءورشىپ تۇر

 وبلىستىق ىشكى ىستەر دەپارتامەنتىنىڭ باسپاءسوز قىزمەتىنەن تۇسكەن مالىمەتكە قاراعاندا، 28 - شىلدە كۇنى ءتۇس مەزگىلىندە ورالداعى جەڭىس الاڭى تۇسىندا جايىق وزەنى جاعاسىندا دەمالعان 43 جاسار ەر ادام سۋدان شىققان بويدا 39 مىڭ تەڭگەسى بار ءاميانى جوق ەكەنىن بايقاعان. پوليسەيلەر وقيعا ءىزىن سۋىتپاي، بەلگىلى ءبىر تۇراعى جوق 32 جاسار ەر ازاماتتى ۇستادى، ول بىرنەشە مىڭ تەڭگەنى جۇمساپ ۇلگەرگەن.

29 - شىلدە كۇنى ورالداعى «شارم» ساۋدا ءۇيى ماڭىندا ەر ادام 29 جاسار ايەلدىڭ ءاميانىن 28 مىڭ تەڭگەسىمەن اشىقتان-اشىق تارتىپ العان. پوليسەيلەر كوپ ۇزاماي 31 جاسار ورالدىق تۇرعىندى قولعا ءتۇسىردى. ودان اقشاسىمەن ءاميان كەرى الىندى.

26 - شىلدە كۇنى سىرىم اۋدانى ورتالىعى جىمپيتىداعى دۇكەن دە بولعان ۇرلىق تا اشىلدى. مۇندا تۇن قاراڭعىلىعىن پايدالانعان 57 جاسار ەر ادام 2 مىڭ تەڭگەنىڭ كيىم-كەشەگىن قولدى قىلعان.

وبلىستا بۇدان بۇرىن العان بىرنەشە ۇرلىق تا اشىلدى. ماسەلەن، بيىلعى ناۋرىزدا بوكەي ورداسى اۋدانى وردا اۋىلىنان 40 شاقىرىم جەردە جەرگىلىكتى تۇرعىننىڭ 400 مىڭ تەڭگە تۇراتىن تۇيەسى جوعالعان. ونى ەش جەردە جۇمىس جاسامايتىن 24 جاسار اۋىلداسى قىمقىرىپ، ەتكە تاپسىرىپ جىبەرگەن بولىپ شىقتى.

اۆتور: ەلجان ەرالى 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى