لوندوندا دوپينگ-جانجالدار ءورشىپ بارادى
گيمناسشى لۋيزا گاليۋلينانىڭ قانىندا رۇقسات ەتىلمەگەن فۋروسەميد انىقتالدى، دەپ حابارلادى حالىقارالىق وليمپيادا كوميتەتىنە سىلتەمە جاساي وتىرىپ ВВС-دىڭ ورىس قىزمەتى. سپورتشىدا «ا» دوپينگ سىناماسىنىڭ انىقتالۋىنا بايلانىستى ول شۇعىل ارادا جارىستارعا قاتىسۋدان الىنىپ تاستالدى. ناقتى شەشىم «ۆ» سىناماسىنان كەيىن قابىلداناتىن بولادى.
ەگەردە گاليۋلينانىڭ قانىنداعى قوسىمشا تالداۋلارىنان كەيىن فۋروسەميدتىڭ بارى راستالسا، سپورتتىق گيمناستيكا بويىنشا ءبىرقاتار جارىستاردىڭ بىرنەشە دۇركىن چەمپيونى ويىننان شەتتەتىلەتىن بولادى.
سونداي-اق 3 اۋىر اتلەتتەر - الباندىق حۋسەنا پۋلاكۋ جانە تۇركيانىڭ وكىلدەرى فاتيح بايدار مەن يبراگيم اراتتىڭ جارىستان شىعارىلعاندىعى ءمالىم بولدى. ولاردىڭ قاندارىنان تيىم سالىنعان زاتتار انىقتالعان.
ولاردىڭ ۇشەۋى دە تۋرنيرگە قاتىسۋدان شەتتەتىلىپ، وزدەرىنىڭ وليمپيادالىق اككرەديتاسياسىنان ايىرىلدى، دەپ جازدى «سوۆەتسكي سپورت». ولارمەن ەندى ۇلتتىق وليمپيادالىق كوميتتەر شۇعىلدانباق.
