ءالى دە وليمپيادا ويىندارىن جەڭگەنىمە سەنە الار ەمەسپىن - ز.چينشانلو

«وليمپيادا ويىندارىن جەڭگەنىمە ءالى دە سەنە الار ەمەسپىن. مەن بۇل التىنعا جەتسەم دەپ 5 جىل بويى ارماندادىم. ەسىمە دە العىم كەلمەيدى، ايتپەسە تاعى دا كوڭىلىم بوساپ كەتەدى»، - دەدى ول.

زۇلفيانىڭ جەڭىسىن تاماشالاعان بارشا جۇرتشىلىقتى وليمپيادا چەمپيونىنىڭ جەڭىسكە جەتكەننەن كەيىن كىممەن تەلەفون ارقىلى سويلەسكەندىگى تولعاندىرعان شىعار. سويتسەك، ءدال سول كۇنى باس جاتتىقتىرۋشى الەكسەي نيدىڭ قىزى تانيانىڭ تۋعان كۇنى ەكەن ءارى وعان زۇلفيا سىي رەتىندە «التىن» ۇتۋعا ۋادە بەرگەن. ءوزى دە تۋعان كۇنىن 4 كۇن بۇرىن اتاپ ءوتتى.

سونىمەن قاتار باس جاتتىقتىرۋشى ءوزىنىڭ شاكىرتىنە جەڭىسكە جەتسە، 1 كەلى بالمۇزداق الىپ بەرۋگە ۋادە بەرىپتى. «مەن سالماق قۋعان بولاتىنمىن. سوندىقتان دا ماعان بالمۇزداق تا، توقاش تا، ءتاتتى دە جەۋگە بولمادى»، - دەگەن سپورتشىعا جانكۇيلەرلەرى ەڭ جاقسى ءبىر شەلەك بالمۇزداق الىپ بەرەمىز دەپ قۇلشىندى.

قازاقتىڭ تاعامىنىڭ ىشىنەن ءوزىنىڭ قازىنى جاقسى كورەتىندىگىن ايتقان زۇلفياعا زالدان: «تۇرمىسقا قاشان شىعاسىز؟» دەگەن ساۋال قويىلدى.

«مۇمكىن، ەرتەڭ شىعار»، - دەپ قالجىڭمەن جاۋاپ بەرگەن ول ودان كەيىن بايسالدى قالىپقا ءتۇسىپ، ءوزىنىڭ ءالى دە 4 جىل تەر توگىپ قازاقستاندىقتاردى جاڭا رەكوردتارىمەن، تاماشا جەڭىستەرىمەن قۋانتقىسى كەلەتىندىگىن باسا ايتتى.

اۆتور: مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى