ەلىمىزدىڭ «تۇمار» بي ءانسامبلى يتاليانى تاڭعالدىردى
سونىڭ ءبىر دالەلى رەتىندە جۋىردا عانا قازاقستاندىق بيشىلەرىمىزدىڭ يتاليادا وتكەن حالىقارالىق بايقاۋدان ۇلكەن جەتىستىكپەن ورالعاندىعىن ايتساق تا جەتكىلىكتى.
8-22 - شىلدە ارالىعىندا ريميني قالاسىندا ۇيىمداستىرىلعان «تولقىندارمەن جارىسقان» اتتى بايقاۋدا ەلىمىزدىڭ «تۇمار» بي ءانسامبلى 9-12 جاستاعى بيشىلەر اراسىندا وتكەن «حالىق ءبيى» اتالىمىندا ءبىرىنشى ورىندى جەڭىپ الدى. وسىمەن 85-رەت ۇيىمداستىرىلىپ وتىرعان بەدەلدى حالىقارالىق بايقاۋعا بيىل 100 دەن استام مەملەكەتتىڭ بي ۇجىمدارى قاتىسقان. «تۇمار» بي ءانسامبلى 2007 - جىلى استانادا قۇرىلعان. شەبەرلىگىمەن كوپتى تاڭعالدىرىپ كەلە جاتقان ونەر ۇجىمى بۇعان دەيىن دە بىرنەشە حالىقارالىق بايقاۋدىڭ جۇلدەسىنە قول جەتكىزگەن.
