اسەل ساعاتوۆا - قازاقستاننىڭ ەڭ تابىستى اكتريساسى

«ماحاببات تالكەگى» فيلمىنىڭ باس كەيىپكەرىن ويناعان اكستريسانىڭ جىلدىق تابىسى 900 مىڭ دوللاردى قۇراعان. ءتۇسىرىلىمنىڭ ءبىر كۇنى ءۇشىن اكتريسا 2-5 مىڭ دوللار ارالىعىندا الادى ەكەن. قازاقستاندىق كوپشىلىكتىڭ سۇيىكتىسى تەك اكتريسالىق قىزمەتىمەن عانا تابىس تاپپايدى. اسەل ساعاتوۆا - تاياۋدا يتاليياندىق كوفەحانانىڭ بىرلەسكەن قوجايىنى دا اتاندى. قازاقستاننىڭ ەڭ باي ونەر جۇلدىزدارىنىڭ رەيتينگىندە ەكىنشى ورىندا وتكەن جىلى 800 مىڭ دوللار پايدا تاپقان MuzArt توبى تۇر. Forbes-تىڭ ويىنشا، ءۇشىنشى ورىنعا باتىرحان شۇكەنوۆ لايىقتى. ودان كەيىن بايان ەسەنتايەۆا مەن «ناشا كازاشا» جوباسى تابىستى جۇلدىزدار قاتارىن تولىقتىرىپتى. اۋقاتتى انشىلەر رەيتينگىن ءارى قاراي ديلناز احماديەۆا، روزا رىمباەۆا، FMتوبى، ءمادينا سادۋاقاسوۆا مەن ماقپال يسابەكوۆالار جالعاستىرادى. ولاردىڭ كىرىسى جىلىنا شامامەن ەكى ءجۇز ەلۋ مىڭ دوللاردى قۇرايدى.

ايتا كەتەيىك، قازاقستاندىق ونەر جۇلدىزدارىنان باسقا Forbes  باسىلىمى تەلەۆيزيا سالاسىنىڭ ەڭ تابىستى جۇلدىزدارىنىڭ رەيتينگىن جاساپتى. سوعان سايكەس، تىزىم كوشباسىن 19 ميلليون دوللارمەن «امەريكالىق وتباسى» تەلەسەريالىنىڭ جۇلدىزى سوفيا ۆەرگارا باستاعان. ودان كەيىن كيم كارداشيان، ءۇشىنشى ورىندا 15 ميلليون تابىسىمەن ەۆا لانگوريا تۇر. سونداي-اق تىزىمگە اكتريسالار ماريشكا حارگيتەي مەن زوۋي دەشانەلدەر ەنگەن. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى