ارنايى وپەراتسيا: 4 ۇيىمداسقان قىلمىستىق توپ جويىلدى
قاراسورا ءوسىرۋ ورىندارىن انىقتاۋ ءۇشىن ەلدە سپۋتنيكتىڭ مۇمكىنشىلىكتەرى كەڭىنەن پايدالانىلىپ جاتىر. بۇگىندە قازاقستان عارىش ساپارى مەكەمەسى، پوليتسەيلەردىڭ زەرتتەۋىنە 60 كووردينات بەرگەن ەكەن.
جالپى ءتارتىپ ساقشىلارى ماۋسىم مەن قازان ايلارى ارالىعىندا جۇرگىزگەن ارنايى وپەراتسيانىڭ ناتيجەسىندە 1 مىڭ 333 قىلمىس تىركەگەن. ونىڭ 200 ءى ەسىرتكى زاتىن ساقتاۋ، 311 ءى قاراسورا ءوسىرۋ دەرەگى ەكەن. تاعى 4 ۇيىمداسقان قىلمىستىق توپ جويىلدى. ولارعا قاتىستى 8 قىلمىستىق ءىس قوزعالىپ، 6 جەتەكشىسى مەن 54 مۇشەسى جاۋاپكەرشىلىككە تارتىلدى.
جالپى وپەراتسيانىڭ قورىتىندىسى بويىنشا 30,1 توننادان استام ءتۇرلى ەسىرتكى تاركىلەنگەن.
باقىتجان ءامىرحانوۆ، ق ر ءى ءى م ەسىرتكى قىلمىسىنا قارسى ءىس- قيمىل دەپارتامەنتى باستىعىنىڭ ورىنباسارى:
- ب پ ل ا دەيدى، تىكۇشاقتاردى تولىعىمەن پايدالانىپ جاتىرمىز انىقتاۋعا. تەك قىزىلوردا، اقتوبە، تۇركىستان وبلىستارى مەن ۇلىتاۋ وبلىستارىنىڭ ۇشۋ ناتيجەلەرى بويىنشا 20 ەسىرتكى پلانتاتسياسى تابىلدى، جالپى سالماعى 2,7 توننا بولاتىن قۇرامىندا ەسىرتكىسى بار وسىمدىكتەردىڭ 55 مىڭ بۇتاسى جويىلدى. بۇتالاردىڭ بيىكتىگى كەيدە 2-3, 4 مەترگە دەيىن جەتەدى كۇتۋىنە بايلانىستى.
شيەلى اۋدانىنداعى ۇلتتىق گۆارديا تىكۇشاعىندا قىزىلوردا قالاسىنان 170 شاقىرىم قاشىقتىقتا اۋە بارلاۋىمەن ەسىرتكى ەگىسى تابىلدى، وندا سالماعى 1,3 توننا 5,5 مىڭنان استام قاراسورا بۇتالارى جويىلدى. تۇركىستان وبلىسىنىڭ ساۋران اۋدانىندا اۋماقتى اينالىپ ءوتۋ ناتيجەسىندە وسىرىلگەن قاراسورا پلانتاتسياسى جويىلدى. جالپى سالماعى 974 كەلى بولاتىن 45 مىڭ بۇتا جويىلدى.
www.24.kz
