ارماندار ورىندالۋ ءۇشىن جوسپاردى قالاي دۇرىس جاساۋ كەرەك؟

بۇل پروتسەستىڭ دە ءوز ەرەجەلەرى بار. استرولوگ ولگا ماسلوۆا Styler جوباسىنا ارماندار كارتاسىن قالاي دۇرىس جاساۋ كەرەگىن ايتىپ بەردى، - دەپ حابارلايدى Massaget.kz تىلشىسى.

ارماندار كارتاسى دەگەن نە؟

ارماندار كارتاسى - ارنايى ۆيزۋالدى قۇرال، ونى ماقساتتارىڭىزعا جەتۋگە كومەكتەسەتىن نۇقسقاۋلىق دەۋگە بولادى. بۇل كارتا ادامنىڭ ەنەرگياسىمەن قۋاتتالعان.

ءوزىڭىزدىڭ ارماندار كارتاڭىزدى قالاي جاسايسىز؟

ماماننىڭ ايتۋىنشا، الدىمەن توقتاپ، ءدال قازىر ءسىز ءۇشىن نە ماڭىزدى ەكەنىن ويلانىڭىز. كارتانى وزىڭىزگە ىڭعايلى فورماتتا جاساڭىز. ول بلوكنوتتا، 4A پاراقتا نەمەسە پلاكاتتا بولۋى مۇمكىن.

ءبىرىنشى ەرەجە: تاڭدالعان بازانىڭ ورتاسىنا ءوزىڭىزدىڭ سۋرەتىڭىزدى جابىستىراسىز، ول وزىڭىزگە قاتتى ۇنايتىن سۋرەت بولۋى كەرەك. كارتانى ءار سالا ءۇشىن جەكە-جەكە جاساۋعا بولادى:

بايلىق؛

اتاق؛

ماحاببات؛

وتباسى؛

دەنساۋلىق؛

شىعارماشىلىق؛

ءبىلىم؛

مانساپ؛

ساياحات.

كارتاعا بولاشاقتا شىنىمەن دە ورىنداي الاتىن ماقساتتاردى قوسىڭىز. ءوز كۇشىڭىزدى ەسكەرۋ جانە ءوز-وزىڭىزبەن ادال بولۋ ماڭىزدى.

ەكىنشى ەرەجە: كارتاعا الداعى 3 كۇندە ساتىپ الا الاتىن ءبىر زاتتىڭ سۋرەتىن قويىڭىز.

ءۇشىنشى ەرەجە: ءبىر جىلعا ارنالعان جوسپاردى انىق جازۋ كەرەك. ءار ايدا نە بولعانىن قالايسىز؟ ول نارسەلەردى وسى شاقتا جازامىز. مىسالى: «مەن ريمدە كوفە ءىشىپ وتىرمىن»، «مەن اتتىڭ ۇستىندە كەتىپ بارامىن، ءوزىمدى كەرەمەت سەزىنىپ وتىرمىن» جانە ت. ب.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى