ارحەولوگتار لوندون كەڭسەسىنىڭ استىنان ەجەلگى ريم ءۇيىن تاپتى

بۇل جاڭالىق ۇلىبريتانيا استاناسىنداعى كەيىنگى جىلدارداعى ەڭ ماڭىزدى ارحەولوگيالىق ولجا بولدى.

وعان شامامەن 2000 جىل، ريم ءۇيى ءبىزدىڭ ءداۋىرىمىزدىڭ 70-80-جىلدارىنىڭ باسىندا سالىنعان جانە لوندينيۋمنىڭ اكىمشىلىك جانە الەۋمەتتىك ورتالىعى بولعان.

- بۇل جەردىڭ ماڭىزدىلىعى عيماراتتىڭ لوندوننىڭ كوممەرتسيالىق، الەۋمەتتىك جانە ەكونوميكالىق ورتالىعى بولعاندىعىندا، - دەپ تۇسىندىرەدى ەندريۋ حەندەرسون-شۆارتس، MOLA (لوندون ارحەولوگيا مۇراجايى) بايلانىس ءبولىمىنىڭ باسشىسى.

وليمپيادا باسسەينىنىڭ كولەمىمەن بىردەي ەكى قاباتتى عيماراتتىڭ ىرگەتاسى وسى ۋاقىتقا دەيىن بۇزىلماعان.

ءبىزدىڭ ەرامىزدىڭ 78-84-جىلدارى ارالىعىندا سالىنعان ورتالىق ريمدىكتەردىڭ ۇلى بريتانياعا باسىپ كىرۋىنەن بىرنەشە جىل وتكەن سوڭ جانە كەلت جاۋىنگەرى پاتشايىم بوۋديككانىڭ كۇشىمەن لوندينيۋمنىڭ جويىلۋىنان كەيىن شامامەن 20 جىل وتكەندە سالىنعان.

قابىرعالاردان بولەك، قازبا جۇمىستارى كەزىندە بىرنەشە جادىگەر تابىلدى، ونىڭ ىشىندە كونە قالا شەنەۋنىگىنىڭ ءمورى باسىلعان شاتىر تاقتايشاسى دا بار.

جەرگە يەلىك ەتەتىن جانە جاڭا كەڭسە مۇناراسىن جوسپارلاۋعا رۇقسات العان Hertshten Properties كومپانياسى ەجەلگى قالدىقتاردى عيماراتتىڭ ديزاينىنا ەنگىزۋگە جانە ولاردى كەلۋشىلەرگە كورسەتۋگە مىندەتتەندى.

كەلۋشىلەرگە ەجەلگى ورتالىق قابىرعالارىن تومەننەن كورۋگە مۇمكىندىك بەرەتىن شىنى ەدەن بولادى دەپ جوسپارلانعان. سونىمەن قاتار ازىق-تۇلىك دۇڭگىرشەكتەرى مەن بازارلارعا ارنالعان ورىن دا بولادى.

- مەنىڭ ويىمشا، وتكەندى ساقتاۋ وتە ماڭىزدى. لوندوننىڭ تەز دامىپ كەلە جاتقان قالا ەكەنى انىق جانە ءبىزدىڭ تەز ءوسىپ، كوپ قۇرىلىس جاساپ جاتقانىمىز وتە جاقسى. ءبىراق وتكەنمەن بۇل ناقتى بايلانىستار بىزگە قايدان كەلگەنىمىزدى ەستە ساقتاۋعا كومەكتەسەدى جانە بىزدەن بۇرىنعىلارمەن بايلانىس سەزىمىن بەرەدى، - دەيدى حەندەرسون-شۆارتس.

ايتا كەتەيىك، ءبۇعان دەيىن نيدەرلاندتاعى مۇراجايدا جارىلىستان كەيىن كونە التىن دۋلىعا ۇرلانعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى