ارعىن نىعماتۋليندى ىزدەۋمەن انتيكور اينالىسىپ جاتىر

- قىلمىستىق-پروتسەستىك كودەكستىڭ 186-بابى تارتىبىندە 7-جەلتوقساندا ءىس باس پروكۋراتۋرانىڭ وندىرىسىنە بەرىلدى. وسىعان بايلانىستى ءبىز تەرگەۋ بارىسىنا قاتىستى تۇسىنىكتەمە بەرە المايمىز. ءبىراق اكىمشىلىك-پروتسەستىك كودەكستىڭ 65-بابىنىڭ 1-بولىگىنە سايكەس، ىزدەستىرۋ ءبىزدىڭ قۇزىرەتىمىزدە ەكەنىن اتاپ وتكىم كەلەدى. اتالعان تۇلعانى ىزدەۋ بويىنشا جەدەل شارالاردى سىبايلاس جەمقورلىققا قارسى قىزمەت جۇرگىزىپ جاتىر، جۇمىس جالعاسىپ جاتىر، وزگە اقپاراتتى جاريالاي المايمىن، - دەدى انتيكوردىڭ رەسمي وكىلى دانيار بيگايداروۆ ۆەدومستۆودا وتكەن باسپا ءسوز ءماسليحاتىندا.

ونىڭ ايتۋىنشا، اتالعان جايتقا قاتىستى ارتىق اقپارات ىزدەۋدەگى تۇلعانىڭ ودان ءارى جاسىرىنىپ جۇرۋىنە اسەر ەتۋى مۇمكىن.

ايتا كەتەيىك، 3-ناۋرىزدا بەلگىلى بولعانداي ەلىمىزدىڭ پروكۋراتۋرا ورگاندارى بۇرىنعى ءماجىلىس سپيكەرى نۇرلان نىعماتۋليننىڭ اعاسى ارعىن نىعماتۋلينگە ىزدەۋ جاريالادى.

ينتەرنەتتەگى مالىمەتتەرگە قاراعاندا تەحنيكا عىلىمدارىنىڭ كانديداتى ارعىن زايروللا ۇلىنىڭ 20 دان استام عىلىمي جۇمىسى، ونەرتابىسقا ارنالعان 3 اۆتورلىق كۋالىگى بار. بىرنەشە وردەنمەن جانە مەدالمەن ماراپاتتالعان. قاراعاندى وبلىستىق ءماسليحاتىنىڭ دەپۋتاتى بولعان.

كەيىن پروكۋراتۋرا ورگاندارىنىڭ باستاما جاساۋىمەن سىبايلاس جەمقورلىققا قارسى ءىس-قيمىل اگەنتتىگى ىزدەۋ جاريالاعان ارعىن نىعماتۋليننىڭ ۇستىنەن قانداي باپ بويىنشا ءىس قوزعالعانى ءمالىم بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى