ارعى قازاق ميفولوگياسىنا قۇرىلعان «سۋىن ايعىر» اۋىلى اشىلدى
اقتاۋ. KAZINFORM - «سۋىن ايعىر» اۋىلى ماڭعىستاۋ اۋدانىنىڭ اتىنان قۇرىلدى. كورمەگە ميفولوگ عالىم سەرىكبول قوندىبايدىڭ مەموريالدىق مۋزەيىنىڭ نەگىزگى جادىگەرلەرى قويىلعان.
ۇيىمداستىرۋشىلار قازاق ميفولوگياسى ارقىلى حالقىمىزدىڭ سان عاسىرلىق تۇرمىس-تىرشىلىگىن كورسەتۋدى كوزدەيدى.
سەرىكبول قوندىباي اتىنداعى مەموريالدىق مۋزەيدىڭ ديرەكتورى ريمما بەرديەۆانىڭ ايتۋىنشا، كورمە «ارعى قازاق ميفولوگياسى» كىتابى جەلىسىندە جاساقتالعان. ميف - ويدان شىعارىلعان دۇنيە ەمەس، بەلگىلى ءبىر ۋاقىتتا، تاريحتا، مادەنيەتتە، قوعامدا بولعان وقيعالار جەلىسى.
- ماڭعىستاۋدىڭ اڭىزدارى مەن ميفتەرىن عىلىمي نەگىزدە زەرتتەگەن، قازاق ميفولوگياسىنىڭ جاڭا قىرلارىن اشىپ، بۇل ءوڭىردىڭ قۇپيا سىرلارىن الەمگە تانىتقان عالىم - سەرىكبول قوندىبايدىڭ زەرتتەۋلەرىنەن تاريحي-عىلىمي دەرەكتەردى الىپ كەلدىك. كيىز ۇيدە زەرتتەۋ كىتاپتارى مەن كەيىپكەرلەرىن تانىستىرامىز، - دەيدى مۋزەي ديرەكتورى ريمما بەرديەۆا.
كورمەدە قوناقتار «ەر توستىك» ەرتەگىسىندەگى جىلان باپىحان، ياعني جىلانداردىڭ پاتشالىعىمەن تانىسادى. بۇل - تۇركىلەردىڭ «ەرگەنەقون» اڭىزى بويىنشا جاسالعان ەكسپوزيتسيا. «ۇماي انا»، «وت انا» جاس انالار مەن سابيلەردىڭ ءتاڭىر يەسى دەپ ءتۇسىنىپ، سىيىنعانىن جانە جارىلقاۋشىسى بولعانىن جەتكىزەدى.
بۇعان دەيىن، اقتاۋدا تۇركى الەمىنىڭ مادەني استاناسى جىلىنىڭ اشىلۋ سالتاناسى اياسىندا 25 مىڭ ادام جينالاتىن عالامات شوۋ وتەتىنى تۋرالى جازعان بولاتىنبىز.
اۆتور
اياگوز ءىزباساروۆا
