ارال تەڭىزىنىڭ سولتۇستىك بولىگىن قالپىنا كەلتىرۋ جانە دامىتۋ جوباسى ازىرلەنىپ جاتىر

- سۋ شارۋاشىلىعى سالاسىنداعى ماڭىزدى باعىتتاردىڭ ءبىرى - ارالدى قالپىنا كەلتىرۋ ماسەلەسى. مينيسترلىك قۇرىلعان ساتتەن باستاپ سولتۇستىك ارالعا شامامەن 5 ميلليارد تەكشە مەتر سۋ جىبەرىلىپ، سۋ ايدىنىنىڭ كولەمى 24,4 ميلليارد تەكشە مەترگە دەيىن ۇلعايدى. قازىر دۇنيەجۇزىلىك بانكتىڭ گرانتى ەسەبىنەن «ارال تەڭىزىنىڭ سولتۇستىك بولىگىن قالپىنا كەلتىرۋ جانە وڭىرلىك دامىتۋ» جوباسىنىڭ تەحنيكالىق- ەكونوميكالىق نەگىزدەمەسى ازىرلەنىپ جاتىر، - دەدى نۇرجان نۇرجىگىتوۆ ۇكىمەت وتىرىسىندا.

مينيسترلىكتىڭ مالىمەتى بويىنشا، اتالعان جوبا اياسىندا سولتۇستىك ارال تەڭىزىن قۇرعاتپاي، كوكارال بوگەتىنىڭ بيىكتىگىن 2 مەترگە كوتەرۋ، سونداي-اق قامىستىباس جانە اقشاتاۋ كولىنىڭ سۋ دەڭگەيىن تولىقتىرۋ جانە ۇستاپ تۇرۋ ءۇشىن امانوتكەل-2 گيدروتورابىن سالۋ قاراستىرىلىپ جاتىر.

- جالپى، جۇرگىزىلىپ جاتقان ءىس-شارالار كەشەنى - ينفراقۇرىلىمدىق نىسانداردى سالۋ جانە جاڭعىرتۋ، سۋ ۇنەمدەۋ جانە سيفرلىق تەحنولوگيالاردى ەنگىزۋگە باعىتتالعان. سونىمەن قاتار كليماتتىق تاۋەكەل ارتۋى جاعدايىندا ەلدىڭ سۋ رەسۋرسىن تۇراقتى پايدالانۋدى قامتاماسىز ەتۋگە ءمان بەرىلەدى، - دەيدى ۆەدومستۆو باسشىسى.

بيىل كوكتەمدە ۇكىمەت باسشىسىنىڭ ورىنباسارى قانات بوزىمبايەۆ ارالدى قۇتقارۋ قورىنىڭ رەفورماسىنان زور ءۇمىت كۇتىلەتىنىن مالىمدەگەن ەدىك.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى