پارادزيۋدوشى ولجاس ورازالى ۇلى قازاقستان قورجىنىنا ءتورتىنشى التىندى سالدى

پارادزيۋدودان الەم چەمپيونى ولجاس ورازالى ۇلى J2 ساناتى بويىنشا 73 كەلىگە دەيىنگى سالماقتا قارسىلاس شىداتقان جوق.

قازاقستاندىق پارادزيۋدوشى فينالدىق باسەكەدە توكيو پاراليمپياداسىنىڭ جەڭىمپازى، وزبەكستاندىق فەرۋز سايدوۆتان (وزبەكستان) ايلاسىن اسىردى.

وسىلايشا قازاقستان قورجىنىنا ءتورتىنشى التىن مەدال ءتۇستى.

سونداي-اق پاراتاەكۆوندوشى، 2021-جىلعى الەم چەمپيوناتىنىڭ قولا جۇلدەگەرى كاميلا دوسمالوۆا K44 ساناتى بويىنشا 57 كەلىگە دەيىنگى سالماقتا سوڭعى باسەكەدە يراندىق روزا ەبراحيميگە عانا جول بەرىپ، كۇمىستى قاناعات تۇتتى.

ەسكە سالا كەتەيىك، بۇدان بۇرىن پاراسپورتشى اقمارال ناۋاتبەكتىڭ ازيادا چەمپيونى اتانعانىن جازعان بولاتىنبىز.

سونداي-اق داۆيد دەگتياريەۆ قازاقستان قورجىنىنا تاعى ءبىر التىندى سالدى.

بۇگىن ازيا پاراويىندارىندا قازاقستان تاعى ءۇش مەدال جەڭىپ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى