اراب كومپانياسى استانا اۋەجايىنىڭ جۇمىسىن قولعا الدى

18-قازاندا ق ر پرەمەر- ءمينيسترى ءاليحان سمايىلوۆتىڭ تۇركىستان وبلىسىنا جۇمىس ساپارى بارىسىندا Terminals Holding كومپانياسىمەن ىنتىماقتاستىق تۋرالى كەلىسىمگە قول قويعان بولاتىن. نەگىزگى ماقسات - استانا اۋەجايىن ءمۋلتيمودالدى حاب رەتىندە دامىتۋ، ينۆەستيتسيا قۇيۋ ارقىلى ۇشۋ- قونۋ جولاعىنا كۇردەلى جوندەۋ جاساۋ، جۇك تەرمينالىنىڭ قۋاتتىلىعىن جانە جولاۋشىلار اعىنىن ارتتىرۋ.

«8-قاراشادا شەتەلدىك ينۆەستور ب ا ءا- ءنىڭ Terminals Holding كومپانياسى مەن استانا حالىقارالىق اۋەجايى اراسىنداعى بىرلەسكەن جۇمىس باستالدى. بۇگىن شەتەلدىك ينۆەستور استانا حالىقارالىق اۋەجايىنىڭ سەرىكتەستەرىنە، اۋە كومپانيالارىنا وزدەرىن تانىستىرىپ، الداعى جوسپارلارىمەن ءبولىستى»، - دەپ جازىلعان استانا اۋەجايىنىڭ رەسمي حابارلاماسىندا.

استانا حالىقارالىق اۋەجايىنىڭ ۇشۋ- قونۋ جولاعى ساعاتىنا 20 ۇشۋ جانە قونۋ وپەراتسياسىن ورىنداۋعا مۇمكىندىك بەرەدى.

ال جۇك تەرمينالىنىڭ اۋماعى 3,3 مىڭ شارشى مەتردى قۇرايدى. استانا حالىقارالىق اۋەجايى جىلىنا 11 مىڭ توننا جۇكتى قابىلداۋ جانە جونەلتۋ جۇمىسىن جۇرگىزىپ كەلەدى.

«ايتا كەتۋ كەرەك، ورتاق كەلىسىم ازىرگە 1 جىلعا قاراستىرىلعان. ءبىر جىل كولەمىندە ينۆەستور استانا اۋەجايىنىڭ الەۋەتىن زەردەلەپ، مۇمكىندىكتەرىن قاراستىرادى. سودان كەيىن ناقتى ينۆەستيتسيا كولەمى مەن ۇزاق مەرزىمدى كەلىسىمشارت جاساسۋ ماسەلەسى قاراستىرىلادى»، - دەيدى اۋەجاي.

Terminals Holding كومپانيالار توبى - ازيا مەن افريكانىڭ ءىرى نارىقتارىندا تۇتىنۋشىلارعا قىزمەت كورسەتەتىن، سونداي- اق Abu Dhabi Ports ءىرى پورتتى جانە ونەركاسىپ كومپانياسىمەن بايلانىستى قارقىندى دامىپ كەلە جاتقان اۆياتسيالىق كاسىپورىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى