ۋاقىت بەلدەۋىن اۋىستىرۋ ەلەكتر قۋاتىن بەلسەندى تۇتىناتىن كەزەڭدى ءبىر ساعات ۇزارتادى
استانا. قازاقپارات - KEGOC اكسيونەرلىك قوعامىنىڭ باسقارما ءتوراعاسى ءنابي ايتجانوۆ ۋاقىت بەلدەۋىن ءبىرىڭعاي جۇيەگە اۋىستىرۋ ەلەكتر تاپشىلىعىنا قالاي اسەر ەتەتىنىن ايتتى.
«ناۋرىزدا ەلىمىزدە ءبىرىڭعاي ۋاقىت بەلدەۋى ەنگىزىلمەكشى. بۇل ەنەرگەتيكالىق جۇيەگە قالاي اسەر ەتەدى. تاپشىلىق ازايا ما، كوبەيە مە؟» - دەپ سۇرادى جۋرناليست بريفينگىدە.
ءنابي ايتجانوۆ بۇل وزگەرىستىڭ ەنەرگەتيكالىق جۇيەگە اسەرى بولاتىنىن راستادى.
«شىن مانىندە ول سونشالىقتى اسەر ەتپەيدى. ءيا، ەلەكتر قۋاتىن تۇتىنۋ كولەمى كىشىگىرىم مولشەردە ۇلعايادى. ويتكەنى «چاس-پيك» كەزەڭگە قوسىمشا ساعات قوسىلادى. دۇرىسى، ەلەكتر قۋاتىن بەلسەندى تۇتىناتىن كەزەڭ قوسىمشا ءبىر ساعاتقا ۇزارادى. ءبىزدىڭ جۇيە وعان دايىن. «چاس-پيك» كەزەڭىندە ەلەكتر قۋاتىن تۇتىنۋ كىشىگىرىم مولشەردە كوبەيەدى»، - دەدى KEGOC باسشىسى.
اۆتور
ەسىمجان ناقتىباي
