اقىلى جولدار نەگە كوبەيىپ جاتىر

- اقىلى جولدار تەك رەسپۋبليكالىق تاس جولداردا ەنگىزىلگەن. وزدەرىڭىز بىلەسىزدەر، بىلتىر كوپتەگەن ۇلكەن جوبا اياقتالدى. قاراعاندى- الماتى، تالدىقورعان- وسكەمەن، سونىمەن قاتار اقتوبە- استراحان باعىتتارىنداعى جولداردىڭ جۇمىسى تولىقتاي ءبىتتى. بۇل جولدار باياعىدا 2 جولاقتى، Ⅲ تەحنيكالىق ساناتتاعى جولدار بولسا، بۇگىندە I ساناتقا اۋىستىرىلدى، ياعني 4 جولاقتى جولعا اۋىسىپ وتىر. اتاپ ايتۋ كەرەك، اقىلى جولداردىڭ بارلىعى - قايتا جاڭارتۋدان وتكەن جانە كۇردەلى جوندەۋ جۇمىستارى جۇرگىزىلگەن جولدار، - دەيدى كولىك مينيسترلىگى اۆتوموبيل جولدارى كوميتەتىنىڭ باسقارما باسشىسى عابيت شىمىربايەۆ.

مينيسترلىك وكىلى ەلىمىزدە اقىلى جولدار نەگە كوبەيىپ جاتقانىن ءتۇسىندىردى.

— I ساناتتاعى جولداردى جىل بويى كۇتىپ ۇستاۋ ءۇشىن قوماقتى قاراجات كەرەك. رەسپۋبليكالىق بيۋدجەتكە اۋىرتپالىق تۇسىرمەي، جولداردىڭ شىعىنى ءوزىن- ءوزى جابۋ ءۇشىن اقىلى جولدار ەنگىزىلەدى، ياعني اقىلى جولدان تۇسكەن قاراجات تولىعىمەن سول جولداردى كۇتىپ ۇستاۋعا جۇمسالادى. بۇل جۇمىستار كەيىن دە جالعاسادى. ۇكىمەت وتىرىسىندا دا وسى ماسەلە تالقىلاندى. بيىل جوسپار بويىنشا 4000 شاقىرىمعا دەيىن اقىلى جولدار ىسكە قوسىلادى، - دەدى عابيت شىمىربايەۆ.

ايتا كەتەيىك، ەلىمىزدە ءى تەحنيكالىق ساناتتاعى جالپى ۇزىندىعى 2161 ك م بولاتىن 11 اقىلى ۋچاسكە بار. ال Ⅱ جانە Ⅲ تەحنيكالىق ساناتتاعى 7 ۋچاسكەنىڭ ۇزىندىعى - 1514 ك م.

ەلىمىزدەگى اقىلى جولداردىڭ ءتىزىمى:

1. استانا — شۋچينسك (2013 -جىلدان باستاپ)
2. استانا — تەمىرتاۋ (2019 -جىلدىڭ قاڭتارىنان باستاپ)
3. الماتى — قورعاس (2019 -جىلدىڭ قاڭتارىنان باستاپ)
4. الماتى — قونايەۆ (2019 -جىلدىڭ قاڭتارىنان باستاپ)
5. استانا — پاۆلودار (2021 -جىلدىڭ 23 -قاراشاسىنان باستاپ)
6. تاراز — قاينار (2021 -جىلدىڭ 23 -قاراشاسىنان باستاپ)
7. شىمكەنت — قىزىلوردا (2021 -جىلدىڭ 23 -قاراشاسىنان باستاپ)
8. شىمكەنت — تاراز (2021 -جىلدىڭ 23 -قاراشاسىنان باستاپ)
9. شىمكەنت — وزبەكستان شەكاراسى (2021 -جىلدىڭ 23 -قاراشاسىنان باستاپ)
10. قونايەۆ — تالدىقورعان (2021 -جىلدىڭ 23 -قاراشاسىنان باستاپ)
11. شۋچينسك — كوكشەتاۋ (2021 -جىلدىڭ 23 -قاراشاسىنان باستاپ)
12. پاۆلودار- قالباتاۋ (2023 -جىلى 8 -قازانىنان باستاپ)
13. بەينەۋ- اقجىگىت (2023 -جىلى 9 -قازانىنان باستاپ)
14. ورال- سامارا (2023 -جىلى 10 -قازانىنان باستاپ)
15. پاۆلودار- ومبى (2023 -جىلى 14 -قازانىنان باستاپ)
16. كوكشەتاۋ- پەتروپاۆل (2023 -جىلى 16 -قازانىنان باستاپ)
17. ورال- ساراتوۆ (2023 -جىلى 1 -جەلتوقسانىنان باستاپ)
18. قىزىلوردا- ارال ۋچاسكەسى (2025 -جىلعى 26 -قاڭتاردان باستاپ) .

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى