اقتوبەدە پوليتسيا قىزمەتكەرى تابەلدىك قارۋدان وق اتىپ، تانىسىن جارالادى

اقتوبە وبلىستىق پ د باسپا ءسوز قىزمەتىنىڭ حابارلاۋىنشا، پوليتسيا قىزمەتكەرى قاۋىپسىزدىك ەرەجەسىن ساقتاماعان. سالدارىنان تابەلدىك قارۋدان ابايسىزدا ءبىر رەت اتىپ، تانىسىن جارالاپ الدى. جارالانعان ەر ادام دەرەۋ اۋرۋحاناعا جەتكىزىلدى.

- قىلمىستىق كودەكستىڭ «سالعىرتتىق» بابى بويىنشا ءىس قوزعالدى. وقيعانىڭ ءمان-جايى انىقتالىپ جاتىر. پوليتسيا قىزمەتكەرى قىزمەتىنەن شەتتەتىلدى. تەرگەۋ پوليتسيا دەپارتامەنتى باستىعىنىڭ باقىلاۋىندا، - دەپ حابارلادى اقتوبە وبلىستىق پ د باسپا ءسوز قىزمەتى.

ال وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى، ناۋقاستىڭ جاعدايى تۇراقتى دەپ وتىر. ول اۋرۋحانادا ەم الىپ جاتىر. وتا جاسالمادى، تەك العاشقى حيرۋرگيالىق كومەك كورسەتىلدى.

ەسكە سالساق، اقتوبەدە ايەل ەكى بالاسىن ءولتىردى دەگەن كۇدىككە ىلىكتى. اتىراۋلىق تۇرعىن مۇعالجار اۋدانى قاندىاعاش قالاسىنا قوناققا كەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى