اقتوبەدە پوليتسيا ايرىقشا بەلگىسى جوق قىزمەتتىك كولىككە كامەرا قوندىردى

اقتوبە وبلىستىق پ د باسپا ءسوز قىزمەتىنىڭ حابارلاۋىنشا، ارنايى قۇرىلعىسى بار پوليتسيا كولىكتەرى كوبىنە قالا سىرتىنداعى جولداردا جۇرەدى. قۇرىلعى كولىكتىڭ جىلدامدىعىن ەسەپتەپ، لەزدە اقپارات بەرەدى.

- اقتوبە وبلىسىندا ايرىقشا بەلگىلەرى جوق قىزمەتتىك اۆتوكولىكتەرگە جانە جەدەل جاردەم كولىكتەرىنە جىلدامدىقتى اۆتوماتتى تۇردە تىركەيتىن قۇرالدار ىسكە قوسىلدى. ماقسات - جول قوزعالىسىنا قاتاڭ باقىلاۋ جاساپ، قاۋىپسىزدىكتى قامتاماسىز ەتۋ. قۇرىلعىنىڭ قاۋىپسىز ورتا قۇرۋعا كومەگى بولادى. قازىر بارلىعى 13 قۇرىلعى بار. نەگىزىنەن قالا سىرتىنداعى جولدارعا جىبەرىلەدى. اناليز جاسالدى، دامىعان ەلدەردە وسىنداي پارتۋلدەۋ قاراستىرىلعان، - دەدى اقتوبە وبلىستىق پ د اكىمشىلىك پوليتسيا باسقارماسى باستىعىنىڭ ورىنباسارى ەركىن وتەگەن.

بىلتىر اقتوبەدە 1766 جول- كولىك وقيعاسى تىركەلدى. وندا 166 ادام قازا تاپتى، 2418 ادام ءارتۇرلى دەنە جاراقاتىن الدى. جول- كولىك وقيعالارىنىڭ %60 استامى جىلدامدىقتى اسىرعاننان بولعان.

ەسكە سالساق، اقتوبە قالاسى ءابىلقايىر حان داڭعىلىندا قارسى باعىتقا شىعىپ، كولىكتى كەرى ايداعان جۇرگىزۋشى انىقتالدى. اكىمشىلىك قۇقىق بۇزۋشىلىق تۋرالى كودەكستىڭ ءۇش بابى بويىنشا 5 حاتتاما تولتىرىلدى.

اۆتور

التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى