اقتوبەدە تۇرمەدە وتىرىپ، پارا بەرگەن جازاسىن وتەۋشى تاعى سوتتالدى

2-اقتوبە قالالىق سوتىندا سوتتالۋشى م. سۇيىنعارينگە قاتىستى ءىس قارالدى.

33 جاستاعى سوتتالۋشىعا قىلمىستىق كودەكستىڭ «پارا بەرۋ» بابى بويىنشا ايىپ تاعىلدى.

ءىس ماتەريالىنا سۇيەنسەك م. ءسۇيىنعارين 70-تۇزەتۋ مەكەمەسىندە وتىرىپ، لاۋازىمدى تۇلعاعا پارا بەرمەك بولعان. ول باقىلاۋشىمەن تانىسىپ، وزىنە تەلەفون، قۋاتتاعىش، قۇلاققاپ جانە sim كارتانى وتكىزىپ بەرۋىن سۇرايدى.  70-مەكەمە قىزمەتكەرى ۇسىنىستان باس تارتادى. كەيىن حاتتاما تولتىرادى. سوتتالۋشى ءبىراز ۋاقىت وتكەن سوڭ مەكەمە قىزمەتكەرىنە تاعى ايتىپ، 70000 تەڭگە پارا ۇسىنادى. سول كەزدە مەكەمە قىزمەتكەرى الدىن الا كەلىسىممەن، ۇسىنىسىن قابىلدايدى.

سوتتالۋشى ەش كۇماندانباي جوسپارىن قۇرىپ، ءبىر كامەرادا جاتقان جازاسىن وتەۋشىگە وزگە ءوتىنىش ايتادى. ءتىپتى جازاسىن وتەۋشىدەن ىنىسىنە ءوتىنىش جاساۋىن، ءسويتىپ تەلەفون مەن اقشانى الا كەلۋىن وتىنەدى. جازاسىن وتەۋشى ءبىر كامەرادا جاتقان سوتتالۋشىنىڭ سوزىنە سەنىپ، كومەكتەسەدى. ءىنىسى اعاسىنىڭ وتىنىشىمەن مەكەمە قىزمەتكەرىنە حابارلاسىپ، كەزدەسۋ ورنىن بىلگىلەيدى. ءسويتىپ ازىق-تۇلىك دۇكەنىنىڭ الدىنا اقشا، تەلەفوندى بەرەدى.

سوتتالۋشى سوتتا كىناسىن مويىندامادى.

سوت ۇكىمىمەن مەيرامبەك سۇيىنعارين ايىپتى دەپ تانىلىپ، قىلمىستىق كودەكستىڭ «پارا بەرۋ» بابىمەن 2 جىل 6 ايعا باس بوستاندىعىنان ايىرۋ جازاسى تاعايىندالدى.

سوت قىلمىستىق كودەكستىڭ 58-بابى 3,6-بولىگىنە سۇيەنىپ، تۇپكىلىكتى 19 جىل 3 اي مەرزىمگە باس بوستاندىعىنان ايىردى.

ەسكە سالساق، اقتوبەدە مەكتەپ ءمۇعالىمى مەن ءتىس تەحنيگى ەسىرتكى زاتتارىن دايىنداپ، ادام ولتىرگەنى ءۇشىن 19 جىلعا سوتتالدى. ءارقايسىسى جابىرلەنۋشىنىڭ وتباسىنا 10 ميلليون تەڭگەدەن مورالدىق وتەماقى تولەۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى