اقتوبەدە ەكى اۋىلدىڭ اتاۋى قازاقشالانادى

اقتوبە وبلىسىندا بىلتىر رودنيكوۆكا جانە ۆوزنەسەنوۆكا اۋىلدارىنىڭ اتاۋىن قازاقشالاۋ ءۇشىن رەسپۋبليكالىق ونوماستيكالىق كوميسسياعا ۇسىنىس بەرىلدى. رودنيكوۆكا اۋىلى بۇلاقتى، ۆوزنەسەنوۆكا اۋىلى اققۇدىق بولادى. سونىمەن بىرگە بىلتىر يدەولوگيالىق تۇرعىدان اتاۋى ەسكىرگەن 3 ءبىلىم بەرۋ ۇيىمىنىڭ اتاۋى وزگەردى. قوبدا اۋدانىندا كالينوۆكا مەكتەبى بەسقۇدىق، كالينوۆكا اۋىلىنداعى بوبەكجاي-باقشاسى جەرۇيىق، حرومتاۋ اۋدانىنداعى پروستورنىي باستاۋىش مەكتەبى جازىق بولىپ وزگەردى.

- 2028 -جىلعا دەيىنگى جول كارتاسى بەكىتىلدى. يدەولوگيالىق تۇرعىدان ەسكىرگەن ەلدىمەكەندەر، ونىڭ قۇرامداس بولىكتەرى قايتا وزگەرەدى. 2025 -جىلى مارتوك اۋدانى پەرۆومايكا اۋىلىن بىرلىك، العا اۋدانى بولگاركا اۋىلىن شۋاقساي دەپ وزگەرتۋ جوسپارعا ەنگىزىلدى. سونىمەن بىرگە اقتوبە قالاسى، شالقار، مۇعالجار، العا اۋداندارىنداعى 29 كوشەنى قايتا اتاۋ قاراستىرىلادى. وبلىستا 61 كوشەگە اتاۋ بەرۋ جوسپارلاندى، - دەدى اقتوبە وبلىستىق تىلدەردى دامىتۋ باسقارماسىنىڭ باسشىسى امانگەلدى قوناقبايەۆ.

ايتا كەتەيىك، اقتوبەدە جەرگىلىكتى اتقارۋشى ورگاندارداعى قۇجات اينالىمىنىڭ مەملەكەتتىك تىلدەگى ۇلەسى %97,5 جەتتى. وبلىستاعى مەملەكەتتىك ءتىلدى مەڭگەرگەن ەرەسەكتەردىڭ ۇلەسى %86,2، ال ءتىلدىڭ قوعامدا قولدانىلۋى %82 بولىپ تۇر.

بۇعان دەيىن حابارلاعانىمىزداي، ورال قالاسىندا 16 بوبەكجايدىڭ اتاۋى قازاقشالاندى.

اۆتور

التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى