اقتوبەدە كولىكتە تىرىدەي جانىپ كەتكەن 8 جولاۋشىنىڭ تەڭ جارتىسى - وقۋشىلار

اقتوبە وبلىسىندا قازىر جول-كولىك وقيعاسىنا بايلانىستى تەرگەۋ جۇمىسى ءجۇرىپ جاتىر.

پوليتسيامەن قاتار پروكۋرورلار دا ءىستى باقىلاۋعا الدى.

ال اقتوبە وبلىستىق ءبىلىم باسقارماسى بولسا، قازا تاپقاندار اراسىندا 4 بالا بار ەكەنىن حابارلادى.

- جول اپاتىنا ۇشىراعان ازاماتتاردىڭ، بالالاردىڭ قازاسىنا كوڭىل ايتامىز، قايعىسىنا ورتاقپىز. قازا تاپقانداردىڭ اراسىندا كامەلەت جاسىنا تولماعان 4 بالا بار. ولار دەنساۋلىعىنا، وتباسىلىق سەبەپتەرگە بايلانىستى جەكە ساپارعا شىققان. قۇزىرلى ورگان قىزمەتكەرلەرى تەرگەۋ امالدارىن جۇرگىزۋدە، - دەپ حابارلادى اقتوبە وبلىستىق ءبىلىم باسقارماسىنىڭ باسشىسى جايىق سۇلتان.

ايتا كەتەيىك، قازا بولعان ءتورت بالانىڭ ەكەۋى ءبىر وتباسىنان. ءبىرى 4-سىنىپتا، ەكىنشىسى 6-سىنىپتا وقيدى.

سونىمەن بىرگە تاعى ءبىر بالا 6-سىنىپتا ءبىلىم السا، ءتورتىنشىسى - دايارلىق توبىنىڭ وقۋشىسى.

ءبارى دە - اقتوبە وبلىسى تەمىر اۋدانى سارىكول اۋىلدىق وكرۋگىنە قاراستى شۇبارشي اۋىلىنىڭ تۇرعىندارى.

ايتا كەتەيىك، ولار مىنگەن تاكسي شۇبارشي اۋىلىنان اقتوبە قالاسىنا قاراي باعىت العان.

اۆتور

التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى