اقتاۋداعى ۇشاق اپاتى: ءتورت ادامنىڭ دەنەسى تابىلدى

اقپاراتتا ايتىلعانداي، وقيعا ورنىندا قازا تاپقان 4 ادامنىڭ دەنەسى تابىلدى.

باسقارما باسشىسى ب. ءىزباساروۆ حابارلاعانداي، 25.12.2024. ساعات 10:58-دە شۇعىلدىقتىڭ 1-ساناتىنا شاقىرۋ كەلىپ ءتۇستى (ۇشاقتىڭ بورتىندا بالون جارىلدى). وقيعا ورنىنا 22 جەدەل جاردەم جانە 6 اپاتتار مەديتسيناسى ورتالىعىنىڭ بريگاداسى جىبەرىلدى.

وبلىستىق كوپ بەيىندى اۋرۋحانا 30 حيرۋرگيالىق جانە تراۆماتولوگيالىق جانە 10 رەانيماتسيالىق توسەك-جاي دايىندادى. سونىمەن قاتار وبلىستىق بالالار اۋرۋحاناسى 20 توسەك-جاي جانە 10 رەانيماتسيالىق توسەك دايىندالدى.

ودان بولەك، قوسىمشا جەكە كلينيكالاردان، اتاپ ايتقاندا «سوفيمەد» ج ش س حيرۋرگيالىق جانە تراۆماتولوگيالىق 10 جانە 2 رەانيماتسيالىق توسەك، «نەيرون» ج ش س حيرۋرگيالىق جانە تراۆماتولوگيالىق 10 توسەك جانە 4 رەانيماتسيالىق توسەك، «ياسين- اتامەكەن» ج ش س سوماتيكالىق بەيىندەگى 10 توسەك دايىندادى. بارلىعى 60 حيرۋرگيالىق، تراۆماتولوگيالىق جانە سوماتيكالىق بەيىندەگى توسەك جانە 26 رەانيماتسيالىق توسەك بار.

قازىر اۋرۋحاناعا 26 زارداپ شەگۋشى جەتكىزىلدى، پاتسيەنتتەردى قابىلداۋ بويىنشا سۇرىپتاۋ جۇرگىزىلىپ جاتىر. جەتكىزىلگەن 24 ادامنىڭ ىشىندە 7 ادام اۋىر جاعدايدا رەانيماتسياعا جاتقىزىلادى. بالالار اۋرۋحاناسىنا 11 جانە 16 جاستاعى 2 بالا كەلىپ ءتۇستى.

ايتا كەتەيىك، اقتاۋدا Azerbaijan Airlines ۇشاعى اپاتقا ۇشىرادى.

وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى باردى.

اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.

ق ر كولىك مينيسترلىگى ءمالىم ەتكەندەي، ازەربايجان تاراپىنىڭ الدىن الا اقپاراتى بويىنشا، بورتتا 62 جولاۋشى مەن 5 ەكيپاج مۇشەسى بولعان.

اۆتور 

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى