اقتاۋدا تورەشىلەردى ۇرعان جاتتىقتىرۋشى قاتاڭ جازالاندى

داۋلى وقيعانىڭ ۆيدەوسى الەۋمەتتىك جەلىلەردە تاراعان ەدى. وندا ەرىك مارجىقپايەۆتىڭ جارىستىڭ باس تورەشىسى باقىتجان بەكپەنبەتوۆتى ۇرعان ءساتى انىق كورىنەدى. سونداي-اق ونى توقتاتۋعا تىرىسقان عاني ىسقاقوۆقا دا سەس كورسەتكەن.

وقيعا جاتتىقتىرۋشىنىڭ ناتيجەگە كوڭىلى تولماعاننان باستالعان. اقمولا وبلىسىنىڭ سپورتشىسى دامير يبراگيموۆ پەن استانا قالاسىنىڭ سپورتشىسى كەنەسارىامىر مارجىقپايەۆ كەزدەسكەن. جەكپە-جەك يبراگيموۆتىڭ پايداسىنا 4:1 ەسەبىمەن اياقتالعان. ناتيجە جاريالانعان سوڭ استانا قالاسىنىڭ جاتتىقتىرۋشىسى (ك. مارجىقپايەۆتىڭ اكەسى) ەرىك مارجىقپايەۆ تورەشىلەر شەشىمىنە قارسىلىق ءبىلدىرىپ، داۋىس كوتەرىپ، كەيىن تەكەتىرەس ورىن الىپ، ول تورەشىلەرگە فيزيكالىق كۇش كورسەتتى.

بوكسشىلار اۋلەتىنىڭ وكىلى بولىپ تابىلاتىن ەرىك مارجىقپايەۆ كوپ ۇزاماي باسقا مامانداردان كەشىرىم سۇرادى. وسىعان وراي قازاقستان بوكس فەدەراتسياسى مارجىقپايەۆ ە. ماسەلەسى بويىنشا اتقارۋشى كوميتەتتىڭ وتىرىسىن وتكىزىپ، ق ر سپورتتىق ەتيكاسىنىڭ بۇزىلۋ ماسەلەسىن قاراستىردى.

وتىرىس ناتيجەسىندە كەلەسى شەشىم قابىلداندى: مارجىقپايەۆ ە. باپكەرلەردى، تورەشىلەردى، جارىس ۇيىمداستىرۋشىلارىن قۇرمەتتەمەگەنى ءۇشىن جانە ق ر سپورتتىق ەتيكاسىن بۇزعانى ءۇشىن بوكستان جەرگىلىكتى، رەسپۋبليكالىق جانە حالىقارالىق جارىستاردان 2 جىلعا شەتتەتىلدى، - دەپ حابارلادى ق ب ف.

ايتا كەتەيىك، ەرىك مارجىقپايەۆ بۇرىنعى سپورت ءمينيسترى بولعان ەرمەك مارجىقپايەۆتىڭ تۋعان اعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى