اقتاۋدا پرەزيدەنتتىڭ بۇرىنعى رەزيدەنتسياسىنىڭ ورنىنا مەشىت پەن ستاديون سالىنادى
اقتاۋ. KAZINFORM - بۇل تۋرالى ماڭعىستاۋ وبلىسىنىڭ اكىمى نۇرداۋلەت قيلىباي مالىمدەدى. ايماق باسشىسىنىڭ ايتۋىنشا، پرەزيدەنت رەزيدەنتسياسىنىڭ ورنىنا الەۋمەتتىك جانە كاسىپكەرلىك نىساندار بوي كوتەرەدى.
- قازىر رەزيدەنتسيا اقتاۋ قالاسى اكىمدىگىنىڭ قۇزىرىنا بەرىلدى. 225 گەكتار جەر. سوعان باس جوسپار جاسالىپ جاتىر. مۇندا ورتالىق ستاديون سالىنادى. ونىڭ شەشىمى شىقتى. ول جەردە ۇلكەن مەشىت بوي كوتەرەدى. سونىمەن قاتار بالالار وينايتىن الاڭقايلار بولدى. مىسالى بىزدە تەڭىز ۆوكزالى جوق، سوندىقتان تەڭىز ۆوكزالىن سالامىز، - دەيدى وبلىس اكىمى نۇرداۋلەت قيلىباي.
ايتا كەتەيىك، «سامال» شاعىن اۋدانىندا ورنالاسقان جەر ۋچاسكەسى 2023-جىلدىڭ جازىندا مەملەكەت مەنشىگىنە قايتارىلدى. بۇرىن اۋماقتىڭ باعالاۋ قۇنى شامامەن 1 ميلليارد تەڭگەنى قۇرادى. اتالعان جەر اقتاۋ قالاسىنىڭ باس جوسپارىنا ەنگىزىلىپ، كەلىسۋ جانە مەملەكەتتىك ساراپتاماعا دايىندىق كەزەڭدەرى ءجۇرىپ جاتىر.
بۇعان دەيىن، اقتاۋدى جاڭا جىلدىق بەزەندىرۋگە قانشا ميلليون تەڭگە جۇمسالاتىنى تۋرالى جازعان بولاتىنبىز.
