اقتاۋ تەڭىز پورتىنا مۇناي تاسىمالدايتىن جاڭا تانكەرلەر اكەلىندى

تانكەرلەر «قازمۇنايگاز» ۇلتتىق كومپانياسى اكسيونەرلىك قوعامى مەن Abu Dhabi Ports Group اراسىنداعى ىنتىماقتاستىق اياسىندا ساتىپ الىندى. جاڭا تانكەرلەر «قازاق تەڭىز كولىك فلوتى» سەرىكتەستىگى مەن International Maritime Investments Ltd كومپانياسى بىرلەسە قۇرعان كاسىپورىنعا تيەسىلى.

سۋ كولىكتەرى 8 مىڭ تونناعا دەيىن مۇناي تاسىمالداۋعا قاۋقارلى. تانكەرلەر نيدەرلاندتىق «Damen» كونسەرنىنىڭ ۆەرفىندە سالىنعان. ءارقايسىسىنىڭ ۇزىندىعى - 140 مەتر، ەنى - 16,7 مەتر، ال شوگىندىسى - 4,2 مەتر، جىلدامدىعى - 10 توراپ. ەكى تانكەر دە وزىق باسقارۋ جۇيەلەرىمەن جابدىقتالعان، ولار بارلىق حالىقارالىق قاۋىپسىزدىك ستاندارتتارى مەن ەكولوگيالىق تالاپتارعا ساي.

كەمەلەردى قابىلداۋ ءىس- شاراسىنا ماڭعىستاۋ وبلىسىنىڭ اكىمى نۇرلان نوعايەۆ، «قازمۇنايگاز» ۇ ك» اكسيونەرلىك قوعامىنىڭ باسقارما ءتوراعاسى ماعزۇم مىرزاعاليەۆ، بىرىككەن اراب امىرلىكتەرىنىڭ قازاقستان رەسپۋبليكاسىنداعى ەلشىسى مۇحاممەد سايد ءال- اريكي، ADP باسقارما ءتوراعاسى مۇحاممەد دجۋما ءال- شاميسي، «قازاق تەڭىز كولىك فلوتى» ۇ ت ك ق ك» ج ش س باس ديرەكتورى ايدار ورجانوۆ جانە باسقا دا قوناقتار قاتىستى.

«تانكەرلەردىڭ ءبىرى ب ا ءا- دەگى وازيس- Liwa دەگەن مەكەننىڭ اتىمەن، ال ەكىنشى تانكەر قازاقستاننىڭ ەجەلگى قالاسى- تارازدىڭ اتىمەن اتالدى. جاڭا تانكەرلەردى ساتىپ الۋ ارقىلى ءبىز ترانسكاسپي باعىتىن دامىتۋدا ماڭىزدى قادام جاساپ وتىرمىز. وسىعان بايلانىستى بىرلەسكەن جوبانى ءساتتى جۇزەگە اسىرعانى ءۇشىن ستراتەگيالىق سەرىكتەسىمىزگە شىن جۇرەكتەن العىسىمدى بىلدىرگىم كەلەدى. جاڭا تانكەرلەر مۇناي فلوتىن جاھاندىق لوگيستيكالىق نارىققا شىعارۋعا جول اشادى»، - دەدى «قازمۇناي گاز» ۇ ك» اكسيونەرلىك قوعامىنىڭ باسقارما ءتوراعاسى ماعزۇم مىرزاعاليەۆ.

ماڭعىستاۋ وبلىسىنىڭ اكىمى نۇرلان نوعايەۆ ەكىجاقتى ىنتىماقتاستىقتى نىعايتۋعا جانە ەلىمىزدىڭ كولىك- لوگيستيكا سالاسىن دامىتۋعا باعىتتالعان باستامالارعا قولداۋ كورسەتەتىنىن ايتتى.

«بۇل تانكەرلەردى ساتىپ الۋ مەملەكەت باسشىسى قاسىم- جومارت توقايەۆتىڭ قازاقستاندىق كومىرسۋتەك ەكسپورتىنىڭ بالامالى باعىتتارىن دامىتۋ جونىندەگى تاپسىرماسىن ورىنداۋ اياسىندا جۇزەگە اسىرىلدى. ءبىز ءارقاشان ءوڭىرىمىزدى جان- جاقتى دامىتۋعا باعىتتالعان بارلىق باستامالاردى قولداۋعا دايىنبىز. «قازاق تەڭىز كولىك فلوتى» ۇلتتىق تاسىمالداۋشىسىندا ىسكە قوسىلاتىن ەكى مۇناي تانكەرى ەلىمىزدىڭ ەكونوميكاسى مەن كولىك- لوگيستيكا سالاسىنىڭ دامۋى مەن وركەندەۋىنە قىزمەت ەتەتىنىنە سەنەمىن»، - دەدى نۇرلان نوعايەۆ.

ADP باسقارما ءتوراعاسى مۇحاممەد دجۋما ءال- شاميسي قازاق ەلىنە بىرلەسكە جوبا ءۇشىن العىسىن ءبىلدىردى.

«بۇگىن ترانسكاسپي باعىتىن دامىتۋعا ماڭىزدى قادام جاسالدى. Abu Dhabi Ports Group باسقارما ءتوراعاسى رەتىندە قازاق ەلىنە بىرلەسكەن جوبانى تابىستى جۇزەگە اسىرعانىمىز ءۇشىن العىس ايتامىن. بىرلەسكەن كاسىپورىن جاھاندىق لوگيستيكا نارىعىنا شىعىپ، ءوز قىزمەتىن قارقىندى دامىتۋعا ماقسات قويدى. فلوتتى كەڭەيتۋ دە جوسپارلانعان. ماڭعىستاۋ وبلىسىنىڭ اكىمدىگى ەكىجاقتى ىنتىماقتاستىقتى نىعايتۋعا نيەتتى ەكەنى ءبىزدى قۋانتادى»، - دەدى مۇحاممەد دجۋما ءال- شاميسي.

ءىس- شارادا ەكى ەل ءانۇرانى ورىندالىپ، كەمەلەردىڭ «وكىل انالارى» قابىلداۋ ءراسىمىن وتكىزدى. «Taraz» تانكەرىن قابىلداۋ قۇرمەتىنە قازاقستاننىڭ ءبىلىم سالاسىنداعى ەڭبەك ەرى، ارداقتى ۇستاز اياگۇل ميرازوۆا شاقىرىلدى. ال «Liwa» كەمەسىن ب ا ءا- دەن كەلگەن مۋباراكا ءال- مازروۋەي حانىم قابىلدادى.

تانكەرلەردى جەلتوقساندا پايدالانۋعا بەرۋ جوسپارلانىپ وتىر.

ايتا كەتسەك، 2023-جىلدىڭ ناۋرىز ايىنان باستاپ قازاقستان مۇنايى اقتاۋ-باكۋ-تبيليسي-دجەيحان باعىتى بويىنشا جىلىنا 1,5 ميلليون توننا كولەمدە جونەلتىلە باستادى. قازاقستان بەن ازەربايجان پاريتەت نەگىزىندە مۇنايدى اقتاۋ - باكۋ تەڭىز باعىتى بويىنشا تاسىمالدايدى. ال جاڭا تانكەرلەر قازاقستاندىق تاراپتىڭ جىلىنا 750 مىڭ توننا كولەمىندە مۇناي تاسىمالداۋ مىندەتتەمەسىن تولىق ورىنداۋعا مۇمكىندىك بەرمەك.

اۆتور

ينديرا ساتەنباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى