اقتاۋ ماڭىندا قۇلاعان ۇشاق قۇستارعا سوعىلۋى مۇمكىن

اۋە كومپانياسىنىڭ حابارلاۋىنشا، ۇشاق ءبىر توپ قۇسپەن سوقتىعىسۋى مۇمكىن.

باكۋ-گروزنىي باعىتىندا ءنومىرى J2-8243 رەيسىن ورىنداعان Embraer 190 ۇشاعى اقتاۋ قالاسىنان 3 شاقىرىم جەردە اپاتتى جاعدايدا قوندى.

بۇعان دەيىن حابارلاعانىمىزداي، قازىر زارداپ شەككەندەر تۋرالى اقپارات ناقتىلانىپ جاتىر. الدىن الا مالىمەت بويىنشا، امان قالعاندار بار.

توتەنشە جاعدايلار مينيسترلىگىنىڭ باسقارۋ ورتالىعىندا رەسپۋبليكالىق جەدەل شتاب قۇرىلىپ، جۇمىس ىستەپ جاتىر.

جەدەل جەلى تەلەفونى: 8/7292/319099.

كولىك مينيسترلىگى باكۋدەن گروزنىيعا جوسپارلانعان رەيس ازەربايجان اۋە كومپانياسىنا تيەسىلى ەكەنىن حابارلادى.

وقيعا تۋرالى قوسىمشا اقپارات الداعى ۋاقىتتا بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى