اقتاۋ اكىمىنىڭ بۇرىنعى ورىنباسارىنا ىزدەۋ جاريالاندى

- سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتى تيمۋر ءسادۋاقاسوۆقا پايدالى قازبالاردى زاڭسىز ءوندىرۋ بويىنشا قىلمىستىق ءىس اياسىندا پارا بەرۋگە يتەرمەلەۋ جانە الاياقتىق جاساعانى ءۇشىن ىزدەۋ جاريالادى، - دەلىنگەن قۇقىقتىق ستاتيستيكا جانە ارنايى ەسەپكە الۋ ورگاندارى پورتالىنىڭ رەسمي اقپاراتىندا.

ىزدەستىرۋ كارتوچكاسىنا سايكەس، ءسادۋاقاسوۆ تەگى بويىنشا ءىس 2025 -جىلعى 5-اقپاندا سولتۇستىك قازاقستان وبلىسىندا تىركەلگەن. ىزدەستىرۋدى باستاعان ورگان - سوت، ال ىزدەستىرۋ جۇرگىزەتىن ورگان - ق ر قارجى مونيتورينگى اگەنتتىگىنىڭ سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتى ەكەنى دە جازىلعان.

ايتا كەتەيىك، تيمۋر ءسادۋاقاسوۆ 2019 - جىلعى 18-اقپاندا اقتاۋ قالاسى اكىمىنىڭ ورىنباسارى بولىپ تاعايىندالعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى