اقمولادا اسكەري قىزمەتشىلەردىڭ توبەلەسكەنى راس پا
استانا. KAZINFORM - وقيعا اقمولا گارنيزونىنىڭ اسكەري بولىمدەرىنىڭ بىرىندە بولعان.
وسىدان بىرەر كۇن بۇرىن جەلىدە قورعانىس مينيسترلىگى قۇرلىق اسكەرلەرىنىڭ 32039 بولىگىنىڭ وفيتسەرلەرى تۇرعىندارمەن توبەلەستى دەگەن ۆيدەو تارادى.
بەينەجازبادان بەيمالىم ادامداردىڭ بىلاپىت سوزدەر ايتىپ جاتقانىن جانە قاتىسۋشىلاردىڭ ءبىرىنىڭ باسى قاناعانىن بايقاۋعا بولادى.
ودان بولەك، ءبىر ادام ۆيدەوعا ءتۇسىرىپ تۇر.
Kazinform اگەنتتىگىنىڭ ءتىلشىسى ءىستىڭ ءمان-جايىن ءبىلۋ ءۇشىن قورعانىس مينيسترلىگىنە حابارلاسقان ەدى.
«قۇرلىق اسكەرلەرى وفيتسەرلەرىنىڭ تۇرعىندارمەن جانە پوليتسيا قىزمەتكەرلەرىمەن توبەلەسى تۋرالى اقپارات شىندىققا جاناسپايدى. بەينەجازباداعى ادامدار اسكەري قىزمەتكەر ەمەس جانە قارۋلى كۇشتەرگە قاتىسى جوق. ءمان-جايدى انىقتاۋ بارىسىندا اقمولا گارنيزونى اسكەري بولىمدەرىنىڭ ءبىرىنىڭ اسكەري قىزمەتشىسىنىڭ اعاسى جانە دوسى مەن تۇرعىندار اراسىندا جانجال بولعانى انىقتالدى» دەلىنگەن تۇسىنىكتەمەدە.
وسى ورايدا اتالعان ۆەدومستۆو جالعان اقپارات تاراتپاۋدى جانە تەك رەسمي دەرەككە سەنۋدى سۇراپ وتىر.
