اقمولا وبلىسىندا زاڭبۇزۋشىلىقتاردىڭ الدىن الۋمەن دروندار اينالىسا باستادى

- ايماقتا مەملەكەتتىك جانە ينفراقۇرىلىمدىق جوبالاردى باسقارۋدىڭ اشىقتىعى مەن تيىمدىلىگىن ارتتىرۋعا باعىتتالعان «ءبىرىڭعاي درون ينفراقۇرىلىمى» پيلوتتىق جوباسى ىسكە قوسىلدى. بۇل جۇيە مەكتەپتەر مەن جولداردىڭ قۇرىلىسىنا مونيتورينگ جۇرگىزۋگە، جىلۋ جەلىلەرىنىڭ جاعدايىن باقىلاۋعا، جەر قويناۋىن پايدالانۋ سالاسىنداعى زاڭ بۇزۋشىلىقتاردى انىقتاۋعا جانە تۇرعىن ءۇي-كوممۋنالدىق شارۋاشىلىق قىزمەتىنىڭ ساپاسىن ارتتىرۋعا مۇمكىندىك بەرەدى. قازىرگى ۋاقىتتا جوبا جوسپارلى رەجيمدە ىسكە اسىرىلىپ جاتىر، - دەيدى باسقارما ماماندارى.

وعان قوسا اكىمدىك زاڭسىزدىقتاردى بولدىرماۋ ءۇشىن قانشا دروننىڭ جۇمىس ىستەپ جاتقانىن دا ايتتى.

- مەموراندۋم اياسىندا 4 ۇشقىشسىز ۇشۋ اپپاراتى بەرىلدى. ونىڭ 2 ءى كوكشەتاۋ قالاسىندا، 1 ءى قوسشى قالاسىندا پايدالانىلسا، تاعى 1 موبيلدى درون شالعايداعى ەلدى مەكەندەردەگى اۋماقتاردى تەكسەرۋگە ارنالعان. جوبانى كەڭەيتۋ جانە ونىڭ تيىمدىلىگىن باعالاۋ بارىسىندا دروندار سانىن ارتتىرۋ مۇمكىندىگى قاراستىرىلادى، - دەيدى ولار.

ءبىرىڭعاي دروندار ينفراقۇرىلىمىن جۇزەگە اسىراتىن «قازاق تەلەكوم» اكسيونەرلىك قوعامى. ولار جوبا 2029-جىلعا دەيىن جالعاساتىنىن ايتادى.

- قازىرگى ۋاقىتتا «قازاقتەلەكوم» اق بالانسىندا 11 درون بار، ال جىل سوڭىنا دەيىن قوسىمشا 89 درون ساتىپ الۋ جوسپارلانعان. جالپى، جوبا اياسىندا قازاقستان بويىنشا 100 درون پايدالانىلادى. جوبا «قازاق تەلەكوم» ا ق- نىڭ مەنشىكتى قاراجاتى ەسەبىنەن جۇزەگە اسىرىلادى. ەگەر جوبا ءساتتى جۇزەگە اسسا، ونى قازاقستاننىڭ باسقا وڭىرلەرىندە كەڭەيتۋ جانە قوسىمشا دروندار ساتىپ الۋ جوسپارلانىپ وتىر، - دەيدى «قازاق تەلەكوم» ا ق سيفرلىق بيزنەس ديۆيزيونىنىڭ قىزمەتكەرلەرى.

كومپانيا جىل سوڭىنا دەيىن ۇشقىسسىز ۇشۋ قۇرىلعىلارىن تومەندە كورسەتىلگەن وڭىرلەردە دە ىسكە قوسۋدى جوسپارلاپ وتىر:

1. الماتى وبلىسى؛

2. قىزىلوردا وبلىسى؛

3. اقتوبە وبلىسى؛

4. پاۆلودار وبلىسى؛

5. شىعىس قازاقستان وبلىسى؛

6. استانا قالاسى؛

7. الماتى قالاسى.

ايتا كەتەيىك، بۇل باستاما ق ر پرەزيدەنتىنىڭ 2024-جىلعى 11-جەلتوقسانداعى حاتتامالىق تاپسىرماسىنا سايكەس، وبلىستاردىڭ، رەسپۋبليكالىق ماڭىزى بار قالالاردىڭ جانە ەلوردا اكىمدەرىمەن بىرلەسىپ ەكولوگيا، اباتتاندىرۋ جانە حالىقتىڭ قاۋىپسىزدىگى سالالارىندا جوبالاردى جۇزەگە اسىرۋدى باقىلاۋ ماقساتىندا ىسكە قوسىلعان بولاتىن.

ءدال وسىنداي دروندار س ق و- عا دا بەرىلگەن. ال ولار قۇرىلعىلاردى سۋ تاسقىنى قاۋپىن باقىلاۋ ءۇشىن قولداناتىندارىن ايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى