اقمولا وبلىسىندا قىزىل كىتاپقا ەنگەن قۇستاردى اۋلاعان براكونەر ۇستالدى

Polisia.kz- ءتىڭ حابارلاۋىنشا 5 - جەلتوقساندا بۇلاندى اۋدانى پوليتسيا ءبولىمىنىڭ قىزمەتكەرلەرى مەن «وحوتزووپروم» مەكەمەسىنىڭ ماماندارى بىرلەسكەن رەيد بارىسىندا تابيعات قورعاۋ زاڭناماسىن ورەسكەل بۇزعان وقيعانىڭ الدىن العان. اتاپ ايتقاندا، بايسۋات اۋىلىنىڭ ماڭىندا 54 جاستاعى استانا قالاسىنىڭ تۇرعىنى جابايى قۇستاردى زاڭسىز اۋلاپ جاتقان جەرىنەن ۇستالدى.

ەر ادام ارنايى تىيىم سالىنعان تورلاردى پايدالانىپ، قازاقستاننىڭ قىزىل كىتاپقا ەنگىزىلگەن سيرەك قۇستارىنىڭ ءبىرى - قارا باستى پايىزتورعاي تۇقىمداس قۇستاردى اۋلاعان. پوليتسيا قىزمەتكەرلەرى براكونەردەن 76 قۇستى تاركىلەپ، ونىڭ دالاعا ورناتقان تورلى شىبىقتارىن انىقتادى. وكىنىشكە قاراي، قۇستاردىڭ باسىم بولىگى توردا قىسىلىپ، ءولىپ قالعان.

الدىن الا تەرگەۋ بارىسىندا كۇدىكتىنىڭ بۇلاندى اۋدانى اۋماعىندا شامامەن 80 گە جۋىق جابايى قۇستى ۇستاپ، ينتەرنەت- رەسۋرستار ارقىلى ساتۋ ءۇشىن ارەكەت ەتكەنى بەلگىلى بولدى. اتالعان دەرەك بويىنشا سوتقا دەيىنگى تەرگەۋ امالدارى باستالىپ، تاركىلەنگەن قۇستارعا سوت- بيولوگيالىق زەرتتەۋ تاعايىندالدى. تەرگەۋ ناتيجەسىندە كۇدىكتىگە قاتىستى زاڭدى شەشىم قابىلدانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى