اقمولا وبلىسىندا قوعام بەلسەندىسىن ولتىرگەندەر سوتتالدى

اقمولا وبلىسى سوتىنىڭ باسپا ءسوز قىزمەتىنىڭ مالىمەتىنشە، وبلىستىق مامانداندىرىلعان اۋدانارالىق قىلمىستىق ىستەر جونىندەگى سوتىندا قوعام بەلسەندىسىنىڭ ولىمىنە كانىلى توپتاسقان ءتورت ادامعا قاتىستى قىلمىستىق ءىس قارالدى. ولارعا ءبىر توپ ادامنىڭ ءسوز بايلاسۋى، ادامنىڭ دەنساۋلىعىنا ورتاشا اۋىرلىقتاعى زيان كەلتىرۋ، اتىس قارۋىن الۋ، ساقتاۋ، قولدانۋ، سونداي-اق، ادام ءولتىرۋ (جالداۋ بويىنشا) ايىبى تاعىلدى.

سوت انىقتاعانداي، جابىرلەنۋشىنى 2019 -جىلى ءوز ءۇيىنىڭ اۋلاسىندا مىلتىقپەن اتىپ ولتىرگەن. ولتىرەر الدىندا بەتتەرىن تۇمشالاعان سوتتالۋشىلار قوعام بەلسەندىسىنىڭ ءۇي اۋلاسىنا كىرگەن، تەرەزەنى سىندىرىپ، ارتىنشا، ونى ۇرىپ-سوققان.

قىلمىستىق ءىس القابيلەردىڭ قاتىسۋىمەن قارالدى. القابيلەردىڭ ۇكىمىمەن سوتتالۋشىلاردىڭ تورتەۋى دە كىنالى دەپ تانىلدى.

«سوت قىلمىستى ۇيىمداستىرعان ەكى ادامدى قىلمىستىق كودەكستىڭ 28-بابىنىڭ 3-بولىگى، 107-بابىنىڭ 2-بولىگى، 4-بولىمشەسى، 99-بابىنىڭ 2-بولىگى 7، 8-بولىمشەسى بويىنشا كىنالى دەپ تانىپ، ءارقايسىسىنا 15 جىل 6 اي باس بوستاندىعىنان ايىرۋ جاساسىن تاعايىندادى. سونىمەن بىرگە، بىرەۋىنىڭ «پوليتسيا پودپولكوۆنيگى» اتاعىنان ايىردى. ال قىلمىستى ورىنداعان ەكى ادامنىڭ ءبىرىنىڭ ارەكەتىندە قاۋىپتى رەتسيديۆ بار دەپ تانىلدى. ول قىلمىستىق كودەكستىڭ 293-بابىنىڭ 3-بولىگى، 107-بابىنىڭ 2-بولىگى 4-بولىمشەسى، 99-بابىنىڭ 2-بولىگى 7، 8-بولىمشەسى، 106-بابىنىڭ 1-بولىگى، 287-بابىنىڭ 2-بولىگى بويىنشا كىنالى دەپ تانىلدى، 16 جىلعا باس بوستاندىعىنان ايىرۋ جازاسىنان كەسىلدى. ەكىنشى ورىنداۋشىعا قىلمىستىق كودەكستىڭ 107-بابىنىڭ 2-بولىگى 4-بولىمشەسى بويىنشا 3 جىلعا باس بوستاندىعىنان ايىرۋ جازاسى تاعايىندالدى. الايدا، ول جازانى وتەۋ مەرزىمىنىڭ وتۋىنە بايلانىستى جازاسىن وتەۋدەن بوساتىلدى»، - دەدى ۆەدومستۆودان.

سوت ۇكىمى زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى