اقمولا وبلىسىندا ءبىلىم ءبولىمىنىڭ 4 قىزمەتكەرى جاۋاپقا تارتىلدى
استانا. KAZINFORM - ساندىقتاۋ اۋدانىنىڭ پروكۋراتۋراسى بالاباقشا تاربيەلەنۋشىلەرىنىڭ قۇقىعىن قورعادى. بۇل تۋرالى اقمولا وبلىسىنىڭ پروكۋراتۋراسى مالىمدەدى.
كامەلەتكە تولماعاندار قۇقىعىنىڭ قورعالۋىن تالداۋ بارىسىندا 78 مەكتەپكە دەيىنگى ۇيىم تاربيەلەنۋشىسىنە ازىق-تۇلىك ءۇشىن وتەماقى تولەنبەگەنى انىقتالعان.
اقمولا وبلىسى اكىمدىگىنىڭ قاۋلىسىنا سايكەس، ازاماتتاردىڭ جەكەلەگەن ساناتىنداعى ازىق- تۇلىك شىعىندارى مەملەكەت ەسەبىنەن وتەلەدى. ازاماتتاردىڭ بۇل ساناتتارىنا كوپبالالى وتباسىلار، ا ا ك- گە مۇقتاج وتباسىلار جانە حالىقتىڭ وسال توپتارىنا جاتاتىن باسقا دا ادامدار جاتادى.
ال اۋداندىق ءبىلىم ءبولىمى كوپبالالى انالار مەن حالىقتىڭ الەۋمەتتىك وسال توپتارىنا جاتاتىن وتباسىلاردى ازىق-تۇلىككە وتەماقى تولەۋ تىزىمىنە ەنگىزبەگەن. وسىلايشا، ولاردىڭ مەكتەپكە دەيىنگى ۇيىمداردان تەگىن تاماق الۋ قۇقىعىن بۇزعان.
پروكۋرورلاردىڭ ارالاسۋىمەن بالاباقشالارداعى 78 بالاعا ازىق-تۇلىك شىعىندارى وتەلدى. بۇزۋشىلىقتار ءۇشىن ءبىلىم ءبولىمىنىڭ 4 قىزمەتكەرى تارتىپتىك جاۋاپكەرشىلىككە تارتىلدى.
