اقمولا وبلىسىندا 120 ادام جۇرگىزۋشى كۋالىگىنەن ايىرىلاتىن بولدى
اقمولا وبلىسىنىڭ پروكۋراتۋراسى جول قوزعالىسى قاۋىپسىزدىگىن قامتاماسىز ەتۋ بويىنشا زاڭدىلىقتىڭ ساقتالۋىن تەكسەرۋ بارىسىندا كولىك قۇرالدارىن باسقارۋعا مەديتسينالىق قارسى كورسەتكىشتەرى بار ادامداردا جۇرگىزۋشى كۋالىكتەرىنىڭ بولۋ فاكتىلەرىن انىقتادى، دەپ حابارلايدى Kazinform ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
مىسالى، ازامات ا. -نىڭ كولىك قۇرالدارىن جۇرگىزۋ قۇقىعىنا يە جۇرگىزۋشى كۋالىگى بار.
بۇل رەتتە، ول كولىك قۇرالدارىن باسقارۋعا تىيىم سالىناتىن اۋرۋىنا بايلانىستى ديسپانسەرلىك ەسەپتە تۇرادى.
مۇنداي فاكتىلەر بىركەلكى ەمەس، پروكۋرورلار وسىنداي تاعى دا 120 فاكتىنى انىقتادى.
پروكۋرورلىق قاداعالاۋ اكتىلەرى بويىنشا اتالعان تۇلعالاردى كولىك قۇرالىن باسقارۋ قۇقىعىن توقتاتۋ جونىندە شارالار قابىلداندى.
باسقا بۇزۋشىلىقتار ءۇشىن پروكۋرورلار پوليتسيا ورگاندارىمەن بىرلەسىپ، جول قوزعالىسى ەرەجەلەرىن بۇزعانى ءۇشىن 97 ادامدى اكىمشىلىك جاۋاپكەرشىلىككە تارتتى.
ستاتيستيكا كورسەتكەندەي، جول-كولىك وقيعالارىنىڭ كوپشىلىگى جىلدامدىقتى شەكتەن اسىرىپ، قاۋىپسىزدىك بەلدىكتەرىن قولدانباۋ، كولىكتى ماس كۇيىندە جۇرگىزۋ سالدارىنان ورىن الادى.
اقمولا وبلىسىنىڭ پروكۋراتۋراسى جول قوزعالىسىنىڭ بارلىق قاتىسۋشىلارىن جولداردا ساق بولۋعا جانە جول قوزعالىسى ەرەجەلەرىن قاتاڭ ساقتاۋعا شاقىرادى.
اۆتور
ەربول جانات
