اق ءۇي ب ۇ ۇ مەن ناتونى قارجىلاندىرۋدى توقتاتۋدى ۇسىندى
استانا. KAZINFORM - پرەزيدەنت دونالد ترامپتىڭ اكىمشىلىگى ا ق ش مەملەكەتتىك دەپارتامەنتىنىڭ بيۋجەتىن ەكى ەسە قىسقارتۋدى، ديپلوماتتار مەن ەلشىلىكتەر سانىن ازايتۋدى، حالىقارالىق ۇيىمداردى، سونىڭ ىشىندە ب ۇ ۇ مەن ناتونى قارجىلاندىرۋدى توقتاتۋدى ۇسىندى، دەپ جازادى DW.
قارجىلاندىرۋدى %50 عا نەمەسە شامامەن 30 ميلليارد دوللارعا قىسقارتۋ جوسپارلانىپ وتىر.
اق ءۇي ا ق ش- تىڭ شەتەلدەگى، نەگىزىنەن افريكا مەن ەۋروپاداعى 10 ەلشىلىگى مەن 17 كونسۋلدىعىن جابۋدى ۇسىنىپ وتىر. قىسقارتۋلار مەملەكەتتىك دەپارتامەنتكە عانا ەمەس، فۋنكسيالارى سىرتقى ساياسات دەپارتامەنتىنە بەرىلگەن ا ق ش- تىڭ حالىقارالىق دامۋ اگەنتتىگىنە (USAID) دە اسەر ەتەدى.
قۇجات ب ۇ ۇ مەن ناتونى قارجىلاندىرۋدى توقتاتۋدى، شەتەلدىك كومەكتى ەكى ەسە ازايتۋدى جانە اقتق، تۋبەركۋلەز جانە بەزگەكپەن كۇرەسۋ ءۇشىن از مولشەردەگى قاراجاتتى قوسپاعاندا، شەتەلدە دەنساۋلىق ساقتاۋ سالاسىن قارجىلاندىرۋدى توقتاتۋدى تالاپ ەتەدى.
ا ق ش جىل سايىن اليانسقا ەڭ كوپ ۇلەس قوساتىن مەملەكەتتەردىڭ ءبىرى بولىپ كەلگەن. قارجىنى قىسقارتۋ ناتونىڭ قورعانىس ستراتەگياسىنا اسەر ەتۋى مۇمكىن.
ا ق ش ب ۇ ۇ- نىڭ بەيبىتشىلىك ميسسيالارىنا، گۋمانيتارلىق كومەك پەن دامۋ باعدارلامالارىنا تۇراقتى تۇردە قارجى ءبولىپ كەلگەن. بۇل شەشىم الەمدىك گۋمانيتارلىق وپەراتسيالارعا كەرى ىقپال ەتۋى ىقتيمال.
حالىقارالىق ساياساتتانۋشىلار بۇل قادام ا ق ش- تىڭ جاھاندىق كوشباسشىلىق ءرولىن السىرەتۋى مۇمكىن دەپ ەسەپتەيدى. سونىمەن قاتار، وداقتاستار اراسىندا الاڭداۋشىلىق تۋىنداپ وتىر.
ا ق ش بيلىگى بۇل شەشىمدى ۋاقىتشا جانە جاعدايعا قاراي قايتا قارالۋى مۇمكىن ەكەنىن دە مالىمدەگەن.
ايتا كەتەيىك، بۇعان دەيىن ترامپ كومپيۋتەرلىك چيپتەر مەن ءدارى-دارمەكتەرگە باج سالىعىن ەنگىزبەكشى ەكەنىن جازدىق.
