اق ءۇي: ا ق ش-تىڭ قىتايعا ىقپال ەتەتىن بىرنەشە تەتىگى بار

- ا ق ش قىتايعا ىقپال ەتۋدىڭ ماڭىزدى ءارى سەنىمدى تەتىكتەرىنە يە. ەڭ الدىمەن، ءبىز بۇل ەلدى جانە ونىڭ بۇكىل دامۋى مەن يندۋستريالانۋىن تولىعىمەن قارجىلاندىرىپ وتىرمىز. بىزدە باسقا دا تەتىكتەر بار، ول تۋرالى تەرەڭ توقتالعىم كەلمەيدى، ءبىراق قىتايدىڭ قاۋىپسىزدىگى ءۇشىن اسا ماڭىزدى كوپتەگەن نارسەلەر بار، بۇل تۇرعىدا ولار ا ق ش-قا مۇقتاج. سوندىقتان قىتاي دەەسكالاتسيا جولىن تاڭداسا وتە ورىندى بولار ەدى، - دەدى ول.

ا ق ش پرەزيدەنتى دونالد ترامپ 2-ءساۋىر كۇنى 185 ەل مەن اۋماقتان كەلەتىن تاۋارلارعا كەدەندىك باج سالىعىن ەنگىزەتىنىن جاريالادى. ال 9-ساۋىردە ول كەلىسسوزگە دايىندىق تانىتقان 75 ەلگە قاتىستى بۇل سالىقتى 90 كۇنگە توقتاتاتىنىن مالىمدەدى. بۇل ەلدەرگە %10 كولەمىندە يمپورتتىق تاريف قولدانىلادى. الايدا بۇل شارا قىتايدى اينالىپ ءوتتى.

ايتا كەتەيىك، اق ءۇي امەريكانىڭ قىتايدان جەتكىزىلىم باجى 125 پايىز ەمەس، 145 پايىز بولاتىنىن ەسكەرتكەن ەدى.

وعان جاۋاپ رەتىندە قىتاي ا ق ش تاۋارلارىنا باج سالىعىن 125 پايىزعا دەيىن كوتەردى.

قىتاي سىرتقى ىستەر مينيسترلىگى ماۋ زىدۋڭنىڭ «ا ق ش - تەك قاعاز جولبارىس، ءتۇرتىپ قالساق تەسىلەدى» دەگەن ايگىلى ءسوزىن ەسكە تۇسىرەتىن جازبا جاريالادى.

قوسا كەتەيىك، Kazinform ءتىلشىسى ا ق ش- قىتاي اراسىنداعى تاريف ساياساتىنىڭ سەبەپ-سالدارىن، قارجى نارىعى مەن ەلىمىزگە تيگىزەر اسەرىن تالدادى.

اۆتور

جاراسقان نۇرىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى