اق ازيادا: شورت-ترەكتەن قازاقستان قۇراماسى ارالاس ەستافەتادان فينالعا جولداما الدى

قازاقستان قۇراماسى ساپىندا دەنيس نيكيشا، ءادىل عالياحمەتوۆ، مەرسايد جاقسىبايەۆ، يانا حان، ولگا تيحونوۆا، ماليكا ەرمەك، زەينەپ قۇمارقان، الينا اجعاليەۆا، مادينا جانبۋسينوۆا، ايبەك ناسەن، ابزال اجعاليەۆ جانە گلەب يۆچەنكو الاڭعا شىقتى.

شيرەك فينالدا، وتانداستارىمىز 2 مينۋت 45.431 سەكۋند ناتيجەسىمەن كەلەسى كەزەڭگە جولداما الدى. ال جارتىلاي فينالدىق باسەكەدە قازاقستان قۇراماسى 2 مينۋت 46.491 سەكۋند ناتيجە كورسەتىپ فينالعا جولداما الدى.

وسىلايشا، قازاقستاندىقتار اقتىق باسەكەدە قىتاي، جاپونيا جانە كورەيامەن سىنعا تۇسەدى.

وسىعان دەيىن قازاقستاندىق سپورتشىلار 1500 مەترگە سىرعاناۋ بويىنشا سىنعا ءتۇسىپ، 3 ايەل جانە 3 ەر سپورتشىمىز جارتىلاي فينالعا جولداما العان بولاتىن.

سونىمەن قاتار، ەرلەر جانە ايەلدەر اراسىندا 500 مەترگە سىرعاناۋدان 6 سپورتشى (3 ايەل جانە 3 ەر) كەلەسى كەزەڭگە جولداما الدى.

اۆتور مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى